ۇبت مەن سىناما تەستٸلەۋ بالدارىندا نەتيجە اۋىتقۋى جوعارى تالاپكەرلەر قاتاڭ تەكسەرٸلەدٸ. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«ۇلتتىق بٸرىڭعاي تەستٸلەۋ اياقتالدى. جالپى, 145 مىڭنان استام تالاپكەر قاتىسىپ, ولارعا 2 رەت تەست تاپسىرۋ مٷمكٸندٸگٸ بەرٸلدٸ. مەنٸڭ ويىمشا, بۇرىن-سوڭعى بولماعان, ٶتە قولايلى جاعداي جاسالدى دەپ ايتا الامىز. تيٸمدٸلٸك جاعىنا كەلەر بولساق, بالالار ٷشٸن ٶتە ىڭعايلى فورمات بولدى. بۇعان قوسا, اكادەمييالىق ادالدىق قاعيدالارىن ساقتاۋ ٷشٸن دە ٶتە ماڭىزدى قادامعا اينالدى. ەندٸ تامىز ايىنا دەيٸن بەينەكامەرالار بويىنشا زەردەلەۋ جاسالىپ, ەگەر تەۋەكەلدەر بايقالاتىن بولسا, وندا تيٸستٸ شەشٸم قابىلداۋىمىز كەرەك. ٶتكەن جىلى دا مۇنداي جۇمىستى العاش رەت جٷرگٸزگەن ەدٸك. سوندا بٸز بەكٸتٸلگەن تالاپتارعا سەيكەس ٶزٸن ۇستاماعانى, ەرەجەلەردٸ بۇزعانى ٷشٸن بٸراز تالاپكەردٸڭ نەتيجەسٸن جويدىق. مىسالى, ناۋرىزدا سىناما تەستٸلەۋ بولدى. سول سىناما تەستٸلەۋ بالدارى مەن ۇبت تەستٸلەۋدٸڭ بالدارىن سالىستىرىپ, 20 بالدان كٶپ اۋىتقۋ بولسا, وندا نەتيجەلەرٸندە وسىنداي اۋىتقۋ بار بارلىق بالانىڭ بەينەجازبالارىن بٶلەك قارايمىز. ٷلكەن زەرتتەۋ ٶتكٸزەمٸز», - دەدٸ اسحات ايماعامبەتوۆ مينيسترلٸكتٸڭ اپپارات جينالىسىندا.
ونىڭ اتاپ ٶتۋٸنشە, سىناما تەستٸلەۋ مەن ۇبت-دا 20 بالل اۋىتقۋ بولسا, وندا بۇل تەۋەكەلدٸڭ بار ەكەندٸگٸن بٸلدٸرەدٸ.
«سوندىقتان ۇلتتىق بٸرىڭعاي تەستٸلەۋگە قاتىستى تيٸستٸ شەشٸم تامىز ايىندا شىعاتىن بولادى», - دەدٸ مينيستر.
