Videodan alynǵan kadr
Áleýmettik jelide túlekterdiń jantebirenter dástúrinen video tarady: ata-analar men balalar UBT qarsańynda bir-birine hat jazǵan, - dep habarlaidy Tengrinews.kz saity.
Shahtinsk qalasyndaǵy (Qaraǵandy oblysy) Álihan Bókeihanov atyndaǵy mektep-litseide bes jyldan asa ýaqyt boiy mynadai dástúr bar: UBT aldynda balalar men olardyń ata-anasy (nemese qamqorshylary) bir-birimen hat almasady. TikTok-ta tanymal bolǵan videoda balalar ata-anasynyń hatyn oqidy, kópshiligi kóz jasyna erik bergen.
Rolik jarty millionǵa jýyq qaralym jinaǵan. Video astynda júzdegen pikir jazylǵan. Áleýmettik jeli qoldanýshylary videoǵa belsendi túrde pikir bildirip, mektep bitirer aldynda týystarynyń qoldaýy qanshalyqty mańyzdy ekenin aitqan.
"Ata-ananyń qoldaý sózderi qandai mańyzdy, UBT-da sáttilik", "Men de ulyma mektep bitirerde hat joldaimyn, qazirshe 4-synypta oqidy", "Ata-ana men bala arasyndaǵy tylsym bailanys", "Anamnan osyndai hat alǵym keledi" , - dep jazady áleýmettik jeli qoldanýshylary videoǵa.
Mektep direktory Manat Aqqulovanyń aitýynsha, bul dástúr 2017-2018 jyldan beri bar.
"11-synyp túlekteri úshin UBT tapsyrý, grantqa túsýge talpyný mańyzdy. Mundai kezeńde týystarynyń qoldaýy óte mańyzdy. Úshinshi toqsan aiaqtalǵannan keiin balalar ata-anasyna alǵys hat jazady. Ádette úlkender olardy oqyp otyryp, kóz jasyn tyia almaidy. Balalar bul hattarǵa janyn salyp, armandary men maqsattaryn jazady", - deidi ol.
Onyń aitýynsha, ata-analar balasyna jaýap hat jazady.
"Úlkender óz hatynda balasyn qalai baǵalaitynyn, jaqsy kóretinin, kez kelgen jaǵdaida qasynda bolyp, qoldaý kórsetýge daiyn ekenin shyn júrekten jazady. Ata-ana men balanyń birin-biri estýi, túsinýi óte mańyzdy. Mundai shaǵyn dástúr olarǵa bir jaǵynan kómektesedi. Óitkeni, ókinishke qarai, kez kelgen adam mańyzdy jyly sózderdi tikelei aita almaidy", - dep atap ótti bilim berý mekemesiniń direktory.
Mine, osyndai hatqa mysal, oqyǵanda eriksiz kózge jas keledi.
