Ulttyq testileý ortalyǵynyń direktory Rýslan Emelbaev 140 baldan 139 ball jinaǵan taǵy bir túlektiń UBT nátijesi joiylǵanyn málimdedi, - dep habarlaidy Massaget.kz.
"Ókinishke qarai, UBT-2022 beinejazbalaryn qaitadan tekserý barysynda eń joǵary 139 ball jinaǵan testilenýshiniń ereje buzǵany belgili boldy. Sáikesinshe, onyń nátijesi joiylyp, grant konkýrsyna qatysý múmkindiginen aiyryldy. Ótken jazbalarymnyń birinde 139 ball jinap, biraq ereje buzǵan 2 talapkerdiń nátijesin joiǵanymyzdy habarlaǵan bolatynmyn. Al bul - tirkelgen úshinshi jaǵdai. Endi eń maksimaldy ball - 138, ony 4 talapker jinady. Tórteýiniń de nátijesin tekserý jumysy jalǵasyp jatyr. Esterińizge sala ketsem, anomaldy joǵary ball (+20 baldan +80 balǵa deiin) jinaǵan talapkerlerdiń nátijesi bizdiń erekshe baqylaýymyzda", - dep jazdy Ulttyq testileý ortalyǵynyń direktory Rýslan Emelbaev áleýmettik jelidegi paraqshasynda.
Sondai-aq, Ulttyq testileý ortalyǵynyń direktory UBT sertifikatyn qoldan jasaý zańsyz ári paidasyz ekenin, óitkeni barlyq derekter ortalyqtyń derekqorynda saqtalatynyn eske saldy.
"Biz tek laiyq jáne adal túlekterdiń bilim grantyn jeńip alǵanyn qalaimyz, sondyqtan erejelerdiń buzylýyna kóz jumyp qarai almaimyz", - dep túiindedi UTO direktory.
Eske salaiyq, buǵan deiin UBT-da eń joǵary 139 ball jinaǵan eki oqýshynyń nátijesi joiylǵanyn habarlaǵan bolatynbyz.
