Endi mektep túlekteri shet tilinen Ulttyq biryńǵai testileý (UBT) tapsyrmaidy. Sebebi, bul olardy elden ketýge itermeleidi – áleýmettik jelide osy mazmundaǵy aqparat taraýda, dep habarlaidy "Ult aqparat".
Sondai-aq taralyp jatqan málimette jaqynda mektepterde birqatar pándi oqytý toqtatylady. Sebebi dene shynyqtyrý páni – Qazaqstannan qalai qashýdy, geografiia páni –qai elge qashýǵa bolatynyn, al tarih páni elden nelikten qashý kerektigin úiretedi. Árine, bul ázil ekeni anyq, biraq adamdardyń kóbi muny shynaiy aqparat retinde qabyldaǵan.
Stopfake.kz saitynyń jazýynsha, Qazaqstanda UBT-daǵy beiindik pánder tiziminen shet tilderin jáne basqa da pánderdi alyp tastaý josparlanbaǵan.
«UBT-dan shet tilin jáne basqa da pánderdi alyp tastaý týraly áleýmettik jeliler men messendjerlerde taratylǵan aqparat shyndyqqa sáikes kelmeidi. Resmi derekkózderden taraǵan aqparatty paidalanýyńyzdy suraimyz», – delingen Ulttyq testileý ortalyǵynyń Instagram-daǵy resmi paraqshasynda.
«Al ázil – reseilik bloger Vera Afanasevanyń shet tilin biryńǵai memlekettik emtihannan (UBT analogy) alyp tastaý týraly jańalyq boiynsha jazǵan postynan alynǵan kalka.
Resei Bilim ministrligi ústimizdegi jyldyń qańtarynda mindetti biryńǵai memlekettik emtihannan shet tilin alyp tastaý týraly sheshim qabyldaǵan bolatyn», - dep jazady Stopfake.kz.
