UBT kezinde erejeni buzý faktileri anyqtalsa, talapkerdiń test nátijesin joiamyz. Bul týraly QR BǴM Ulttyq testileý ortalyǵynyń direktory Didar Smaǵulov málim etti, dep habarlaidy "Ult aqparat".
«Testtiń ashyqtyǵyn qamtamasyz etý maqsatynda bizde «aýhaldy ortalyq» jasaqtalǵan. Atap aitqanda, testileý «bir test tapsyrýshy–bir kompiýter–bir kamera» qaǵidaty boiynsha uiymdastyrylmaq. Sondyqtan ár test tapsyrýshyǵa qatysty beinejazbalar saqtalady. Biz ony ózimiz qaraimyz jáne arnaiy kompiýterlik baǵdarlama avtomatty túrde jumys istep, kez kelgen ereje buzý faktilerin anyqtai alamyz», - dedi D. Smaǵulov Ortalyq kommýnikatsiialar qyzmetinde.
Onyń aitýynsha, bul turǵyda tyiym salynǵan zattarǵa, iaǵni talapkerdiń smartfon nemese shpargalka sekildi zattardy alyp kirýine tosqaýyl qoiylmaq.
«Barlyq beinejazba osy jyldyń 25 tamyzyna deiin qaitadan qaralady. Eger qosymsha tyiym salynǵan zat anyqtalsa nemese basqa da erejeni buzý faktileri baiqalsa, test tapsyrýshynyń UBT boiynsha nátijesin joiýǵa quqyǵymyz bar. Sondyqtan jumys ótken jyldaǵydai biylda da atqarylady, - dedi Ulttyq testileý ortalyǵynyń direktory.
Taratylǵan málimetke qaraǵanda, memlekettik bilim grantyn taǵaiyndaý konkýrsyna qatysý úshin UBT 15 sáýirde bastalyp, 30 maýsymǵa deiin jalǵasady. Testileý alǵash ret elektrondyq formatta ótedi.
Bilim ministrliginiń málimetinshe, aýditoriiada ne bolyp jatqanyn kórsetetin kameralardan basqa, test tapsyrýshy otyratyn ár ústeldiń ústinde taǵy bir kamera ornatylady. Proktoring pen beinebaqylaýdyń zamanaýi júiesi jáne UBT-da bógde adamdardy boldyrmaý úshin Face ID tsifrlyq sáikestendirý qurylǵysy paidalanylady. Erejelerdiń saqtalýyn arnaiy kompiýterlik baǵdarlama baqylaidy. Ol tyiym salynǵan zattardy qoldaný faktilerin avtomatty túrde anyqtaidy. Eger UBT tapsyrý kezinde talapkerdiń smartfon, shpargalka jáne t.b. tyiym salynǵan zattardy paidalanǵany anyqtalsa, testileý avtomatty túrde toqtatylady, test tapsyrýshynyń nátijeleri joiylady.
Budan buryn habarlanǵandai, biyl Ulttyq biryńǵai testileý elektrondyq formatta ótedi.
