BǴM "Ulttyq testileý ortalyǵy" RMQK direktory Ramazan Álimqulov UBT-dan eń joǵary ball jinaǵan alǵashqy túlekke iPhone syilaitynyn aitty.
"Biyl UBT on besinshi ret ótetinine bailanysty Qazaqstan azamaty retinde óz atymnan 140 ball jinaǵan alǵashqy oqýshyǵa iPhone syilaimyn", — dedi ol Sputnik Qazaqstan tilshisine.
Aita ketsek, biyl UBT formatyna ózgeris engizilgen joq, tek oqýshylarǵa synaqty aǵylshyn tilinde tapsyrýǵa múmkindik berilip otyr. Búgingi tańda 200-ge jýyq túlek UBT-ny aǵylshyn tilinde tapsyrýǵa niet bildirgen. Degenmen bul kórsetkish áli de ózgeredi. Ótinish qabyldaý merzimi 10 mamyrda aiaqtalady.
2 mamyrdaǵy málimet boiynsha 96 963 túlek UBT tapsyrýǵa niet bildirgen. Bir qýantarlyǵy túlekterdiń 73 myńy, iaǵni 80 protsenti qazaq tilinde tapsyrmaq. Al barlyǵy respýblika boiynsha 146 myń oqýshy mektep bitiredi.
Ulttyq biryńǵaý testileý jyldaǵydai 20 maýsym men 1 shilde aralyǵynda ótedi.
Baspasóz máslihatynda aitylǵandai, 15 jyl ishinde 1 million 600 myń adam UBT tapsyrypty.
