بعم "ۇلتتىق تەستٸلەۋ ورتالىعى" رمقك ديرەكتورى رامازان ەلٸمقۇلوۆ ۇبت-دان ەڭ جوعارى بالل جيناعان العاشقى تٷلەككە iPhone سىيلايتىنىن ايتتى.
"بيىل ۇبت ون بەسٸنشٸ رەت ٶتەتٸنٸنە بايلانىستى قازاقستان ازاماتى رەتٸندە ٶز اتىمنان 140 بالل جيناعان العاشقى وقۋشىعا iPhone سىيلايمىن", — دەدٸ ول Sputnik قازاقستان تٸلشٸسٸنە.
ايتا كەتسەك, بيىل ۇبت فورماتىنا ٶزگەرٸس ەنگٸزٸلگەن جوق, تەك وقۋشىلارعا سىناقتى اعىلشىن تٸلٸندە تاپسىرۋعا مٷمكٸندٸك بەرٸلٸپ وتىر. بٷگٸنگٸ تاڭدا 200-گە جۋىق تٷلەك ۇبت-نى اعىلشىن تٸلٸندە تاپسىرۋعا نيەت بٸلدٸرگەن. دەگەنمەن بۇل كٶرسەتكٸش ەلٸ دە ٶزگەرەدٸ. ٶتٸنٸش قابىلداۋ مەرزٸمٸ 10 مامىردا اياقتالادى.
2 مامىرداعى مەلٸمەت بويىنشا 96 963 تٷلەك ۇبت تاپسىرۋعا نيەت بٸلدٸرگەن. بٸر قۋانتارلىعى تٷلەكتەردٸڭ 73 مىڭى, ياعني 80 پروتسەنتٸ قازاق تٸلٸندە تاپسىرماق. ال بارلىعى رەسپۋبليكا بويىنشا 146 مىڭ وقۋشى مەكتەپ بٸتٸرەدٸ.
ۇلتتىق بٸرىڭعاۋ تەستٸلەۋ جىلداعىداي 20 ماۋسىم مەن 1 شٸلدە ارالىعىندا ٶتەدٸ.
باسپاسٶز مەسليحاتىندا ايتىلعانداي, 15 جىل ٸشٸندە 1 ميلليون 600 مىڭ ادام ۇبت تاپسىرىپتى.
