Respýblika boiynsha UBT testileýinen eń úzdik nátije - 140 upaiǵa qol jetkizgen Qoja Ahmet Iassaýi atyndaǵy №123 mektep gimnaziianyń túlegi Shiara Qudaibergenova Altyn belgi men úzdik attestatqa úmitker bolmaǵan. Bul týraly QazAqparat tilshisine mektep direktorynyń oqý isi boiynsha meńgerýshisi Elmira Smailova aitty.
«Shiara Qudaibergenova bul mektepte bastaýysh synyptan beri oqidy. 10-synypta eki sabaqtan 4 alyp qalǵandyqtan Altyn belgige úmitker bola almady. Sondai-aq, úzdik attestatqa da qol jetkizgen joq. Alaida nátijesin ózderińiz kórip otyrsyzdar, UBT boiynsha respýblikadaǵy eń úzdik nátijeni kórsetti. Sabaqtan bólek, qoǵamdyq jumystarǵa da belsene aralasady. Orys tilinen Halyqaralyq Olimpiadada 3-oryn alǵan. Shiara 5-11 synyptarda matematika men fizika pánderin tereńdetip oqyǵan. Matematika pánine qabileti joǵary. Qazaq-orys-aǵylshyn tilderin erkin meńgergen», - deidi Elmira Smailova.
Onyń aitýynsha, Shiara L.N.Gýmilev atyndaǵy Eýraziia ulttyq ýniversitetine túsýdi maqsat etip otyr.
Shiara Qudaibergenova - otbasyndaǵy eki balanyń úlkeni. Onyń 8-synypta oqityn inisiniń de fizika-matematika ǵylymdaryna beiini joǵary.
Anasy Jansaia Qoshqarbaevanyń aitýynsha, Shiara UBT-ǵa 9 ai boiy úzdiksiz daiyndalǵan.
«Qyzym «Arai» mektebinde qosymsha daiyndaldy. Men onyń oqýyna barynsha jaǵdai jasadym. Qysy-jazy, jaýynda da, ystyqta da oqýyn toqtatpady. Mektebinen kelgen soń tamaǵyn iship alyp, ekinshi mektebine daiyndyqqa ketetin. Bul - balanyń óziniń eńbegi» - dedi anasy.
Jansaia Qoshqarbaevanyń otbasy testileýden soń meshitke baryp, shúkir namazyn oqyǵan. Sol sátte olarǵa «Arai» mektebinen habarlasyp, Shiaranyń maksimaldy 140 upai jinaǵanyn aityp, súiinshi surapty.
«Biz alǵashynda senbedik. Óitkeni, men qyzymdy qai jaǵdaiǵa bolmasyn daiyndadym. «130-dan asyrsaq ta jaman emes, buiyrǵany bolady» dep kóńilin kóterýmen boldym. 140 upaidy estigende qyzymnyń qýanyshynda shek bolmady», - deidi anasy Jansaia Qoshqarbaeva.
Eske sala keteiik, UBT-2018 nətijelerin endigi kezekte Telegram-bot @edu.gov.kz nemese edu.mail.kz saity arqyly úiden shyqpai-aq bilýge bolady: ol úshin testileýge qatysatyn ərbir talapkerge beriletin TJK (test tapsyrýshynyń jeke kodyn) engizý qajet. Sondai-a
Sondai-aq, testileý qorytyndylaryn Ulttyq testileý ortalyǵynyń saitynan da bilýge bolady. Bul oraida testileý nətijelerin TJK arqyly ərbir talapker ózi ǵana kóre alady.
Joǵaryda kórsetilgen resýrstarǵa UBT nətijeleri aqparattyń óńdelýine qarai jariialanyp otyrady. Biyl respýblika boiynsha mektep bitirýshilerdiń 70%, iaǵni 102 myńy UBT tapsyrady. Mektep bitirgen 147 myń túlektiń basym bóligi UBT-ny qazaq tilinde tapsyrady. UBT-da jalpy 80 myń suraq bolady. 2018 jylǵa arnalǵan Ulttyq biryńǵai test suraqtary 50 paiyzǵa jańartylǵan. Qazaqstandyq mektep bitirýshilerge Ulttyq biryńǵai testileýden ótýge eki ret múmkindik beriledi. Ekeýinde de qajetti ball jinai almaǵan balalar JOO-ǵa shartty túrde qabyldanady.
