رەسپۋبليكا بويىنشا ۇبت تەستٸلەۋٸنەن ەڭ ٷزدٸك نەتيجە - 140 ۇپايعا قول جەتكٸزگەن قوجا احمەت ياسساۋي اتىنداعى №123 مەكتەپ گيمنازييانىڭ تٷلەگٸ شيارا قۇدايبەرگەنوۆا التىن بەلگٸ مەن ٷزدٸك اتتەستاتقا ٷمٸتكەر بولماعان. بۇل تۋرالى قازاقپارات تٸلشٸسٸنە مەكتەپ ديرەكتورىنىڭ وقۋ ٸسٸ بويىنشا مەڭگەرۋشٸسٸ ەلميرا سمايلوۆا ايتتى.
«شيارا قۇدايبەرگەنوۆا بۇل مەكتەپتە باستاۋىش سىنىپتان بەرٸ وقيدى. 10-سىنىپتا ەكٸ ساباقتان 4 الىپ قالعاندىقتان التىن بەلگٸگە ٷمٸتكەر بولا المادى. سونداي-اق, ٷزدٸك اتتەستاتقا دا قول جەتكٸزگەن جوق. الايدا نەتيجەسٸن ٶزدەرٸڭٸز كٶرٸپ وتىرسىزدار, ۇبت بويىنشا رەسپۋبليكاداعى ەڭ ٷزدٸك نەتيجەنٸ كٶرسەتتٸ. ساباقتان بٶلەك, قوعامدىق جۇمىستارعا دا بەلسەنە ارالاسادى. ورىس تٸلٸنەن حالىقارالىق وليمپيادادا 3-ورىن العان. شيارا 5-11 سىنىپتاردا ماتەماتيكا مەن فيزيكا پەندەرٸن تەرەڭدەتٸپ وقىعان. ماتەماتيكا پەنٸنە قابٸلەتٸ جوعارى. قازاق-ورىس-اعىلشىن تٸلدەرٸن ەركٸن مەڭگەرگەن», - دەيدٸ ەلميرا سمايلوۆا.
ونىڭ ايتۋىنشا, شيارا ل.ن.گۋميلەۆ اتىنداعى ەۋرازييا ۇلتتىق ۋنيۆەرسيتەتٸنە تٷسۋدٸ ماقسات ەتٸپ وتىر.
شيارا قۇدايبەرگەنوۆا - وتباسىنداعى ەكٸ بالانىڭ ٷلكەنٸ. ونىڭ 8-سىنىپتا وقيتىن ٸنٸسٸنٸڭ دە فيزيكا-ماتەماتيكا عىلىمدارىنا بەيٸنٸ جوعارى.
اناسى جانسايا قوشقارباەۆانىڭ ايتۋىنشا, شيارا ۇبت-عا 9 اي بويى ٷزدٸكسٸز دايىندالعان.
«قىزىم «اراي» مەكتەبٸندە قوسىمشا دايىندالدى. مەن ونىڭ وقۋىنا بارىنشا جاعداي جاسادىم. قىسى-جازى, جاۋىندا دا, ىستىقتا دا وقۋىن توقتاتپادى. مەكتەبٸنەن كەلگەن سوڭ تاماعىن ٸشٸپ الىپ, ەكٸنشٸ مەكتەبٸنە دايىندىققا كەتەتٸن. بۇل - بالانىڭ ٶزٸنٸڭ ەڭبەگٸ» - دەدٸ اناسى.
جانسايا قوشقارباەۆانىڭ وتباسى تەستٸلەۋدەن سوڭ مەشٸتكە بارىپ, شٷكٸر نامازىن وقىعان. سول سەتتە ولارعا «اراي» مەكتەبٸنەن حابارلاسىپ, شيارانىڭ ماكسيمالدى 140 ۇپاي جيناعانىن ايتىپ, سٷيٸنشٸ سۇراپتى.
«بٸز العاشىندا سەنبەدٸك. ٶيتكەنٸ, مەن قىزىمدى قاي جاعدايعا بولماسىن دايىندادىم. «130-دان اسىرساق تا جامان ەمەس, بۇيىرعانى بولادى» دەپ كٶڭٸلٸن كٶتەرۋمەن بولدىم. 140 ۇپايدى ەستٸگەندە قىزىمنىڭ قۋانىشىندا شەك بولمادى», - دەيدٸ اناسى جانسايا قوشقارباەۆا.
ەسكە سالا كەتەيٸك, ۇبت-2018 نəتيجەلەرٸن ەندٸگٸ كەزەكتە Telegram-بوت @edu.gov.kz نەمەسە edu.mail.kz سايتى ارقىلى ٷيدەن شىقپاي-اق بٸلۋگە بولادى: ول ٷشٸن تەستٸلەۋگە قاتىساتىن əربٸر تالاپكەرگە بەرٸلەتٸن تجك (تەست تاپسىرۋشىنىڭ جەكە كودىن) ەنگٸزۋ قاجەت. سونداي-ا
سونداي-اق, تەستٸلەۋ قورىتىندىلارىن ۇلتتىق تەستٸلەۋ ورتالىعىنىڭ سايتىنان دا بٸلۋگە بولادى. بۇل ورايدا تەستٸلەۋ نəتيجەلەرٸن تجك ارقىلى əربٸر تالاپكەر ٶزٸ عانا كٶرە الادى.
جوعارىدا كٶرسەتٸلگەن رەسۋرستارعا ۇبت نəتيجەلەرٸ اقپاراتتىڭ ٶڭدەلۋٸنە قاراي جارييالانىپ وتىرادى. بيىل رەسپۋبليكا بويىنشا مەكتەپ بٸتٸرۋشٸلەردٸڭ 70%, ياعني 102 مىڭى ۇبت تاپسىرادى. مەكتەپ بٸتٸرگەن 147 مىڭ تٷلەكتٸڭ باسىم بٶلٸگٸ ۇبت-نى قازاق تٸلٸندە تاپسىرادى. ۇبت-دا جالپى 80 مىڭ سۇراق بولادى. 2018 جىلعا ارنالعان ۇلتتىق بٸرىڭعاي تەست سۇراقتارى 50 پايىزعا جاڭارتىلعان. قازاقستاندىق مەكتەپ بٸتٸرۋشٸلەرگە ۇلتتىق بٸرىڭعاي تەستٸلەۋدەن ٶتۋگە ەكٸ رەت مٷمكٸندٸك بەرٸلەدٸ. ەكەۋٸندە دە قاجەتتٸ بالل جيناي الماعان بالالار جوو-عا شارتتى تٷردە قابىلدانادى.
