Ulttyq biryńǵai testileýdegi árbir óte joǵary nátije kúsheitilgen tekserýden ótedi. Bul týraly Ulttyq testileý ortalyǵynyń burynǵy basshysy Didar Smaǵulov aitty, dep habarlaidy "Ult aqparat".
«Biz júieni aldaýǵa tyrysqandardyń barlyǵyn anyqtap, tiisinshe jazalaimyz! Bul test tapsyrýshylarǵa ǵana emes, sonymen qatar óńirlerde UBT ótkizýge jaýapty qyzmetkerlerge de qatysty. Sizdiń árbir qadamyńyz bizdiń baqylaýymyzda jáne kez kelgen quqyqbuzýshylyq áreketterge degen talpynys miǵa múldem qonymsyz», - dep jazdy Didar Smaǵulov Facebook-paraqshasynda.
Onyń sózine qaraǵanda, keshe Túrkistan oblysy Temirlan aýylynyń túleginiń UBT nátijesin joiýǵa týra kelgen.
«Ol naýryz aiynyń kórsetkishterimen salystyrǵanda óte joǵary nátije kórsetti (37 baldan 121 balǵa deiin kóterilgen). Iá, biz mindetti túrde muny da qadaǵalaimyz. Naýryz aiynyń nátijelerin alǵannan keiin Bilim jáne ǵylym ministri Ashat Aimaǵambetov osyǵan bailanysty tiisti tapsyrma bergen bolatyn. Nátijeleri 20-dan astam balǵa kóterilgen árbir adam qosymsha kúsheitilgen baqylaýdan ótedi», - dep eskertti Didar Smaǵulov.
Sondai-aq, ol osy oblystyń Temirlan aýylyndaǵy keleńsidikterdi eske alyp, alda birshama tekserýler kútip turǵanyn atady.
«Júieni aldaǵysy kelgenderdi odan da mańyzdy jaýapkershilikke tartý úshin materialdardy quqyq qorǵaý organdaryna joldaityn bolamyz. Aitpaqshy, Shymkenttegi qylmystyq is áli tergelýde, men onyń nátijelerimen mindetti túrde bólisemin. Al, ózderiniń aýyr mindetterin adal oryndap jatqandarǵa basymdy iemin. Jergilikti jerlerdegi Ulttyq testileý ortalyǵy qyzmetkerleriniń jalaqysyna qosylatyn qosymsha tólemder 1 maýsymnan bastap kontingentke bailanysty 60% deiin ósetin bolady», - dedi Didar Smaǵulov.
