Koronavirýs pandemiiasyna bailanysty biylǵy UBT-da sanitarlyq shekteý sharalary qolǵa alynady, dep habarlaidy "Ult aqparat".
Bul týraly QR Bilim jáne ǵylym ministrliginiń Ulttyq testileý ortalyǵynyń direktory Didar Smaǵulov málimdedi.
«Testileý merzimi ázirge ózgerissiz qalyp otyr. Ony maýsymnyń 22-sinde bastaimyz dep josparlap otyrmyz. Eger pandemiia saldarynan jaǵdai ózgerer bolsa, bul merzimdi qarastyryp, taǵy eki aptaǵa sozýymyz múmkin», - dedi Didar Smaǵulov QazAqparat tilshisine bergen jaýabynda.
Sonymen birge, biylǵy testileýde túlekterdiń dene qyzýyn ólsheý, aýditoriiadaǵy adam sanyn azaitý syndy qaýipsizdik sharalary qarastyrylady.
«Testileýde ádette bir aýditoriiada 100-150 adam otyratyn. Qazir 50 adamnan otyrǵyzýdy uiǵardyq. Epidemiologiialyq jaǵdai qiyndasa, 30 adamnan, tipti 25 adamnan qaldyramyz. Ár túlektiń ainalasynda 2-2,5 metr qashyqtyq saqtalýy kerek. Ol úshin aýdandarda ǵimarat jetkilikti, barlyǵyn eseptep shyqtyq. Esh qiyndyq bolmaidy», - dedi D. Smaǵulov.
Buǵan deiin Didar Smaǵulov UBT-ǵa 11-synyptyń tórtinshi toqsanynan jańa suraqtar bolmaitynyn túsindirgen edi.
