QR Bilim jáne ǵylym ministri Ashat Aimaǵambetov tikelei efir barysynda biyl Ulttyq biryńǵai testileý qashan ótetinin aitty, dep habarlaidy "Ult aqparat".
«UTB bizdiń elde keste boiynsha jyl saiyn maýsym aiynyń sońy men shilde aiynyń basynda ótedi. UBT-ǵa daiyndalý úshin ýaqyt jetkilikti ekenin kórip otyrsyzdar. Maýsym aiynyń sońynda qazirgi jaǵdai ózgeredi dep oilaimyz. UBT-ny dástúrli túrde ótkizetinimizge úmittenemiz. Birinshiden, UBT – ótedi. Ekinshiden, onyń formaty ózgermeidi. Úshinshiden, ótý ýaqyty da ózgermeidi», - dedi ministr.
Degenmen, A.Aimaǵambetov pandemiiaǵa bailanysty ahýal ózgermegen jaǵdaiǵa UBT-ny ótkizýdiń ózge nusqalary qarastyrylyp jatqanyn jetkizdi.
«Ádiskerler, IT mamandardan quralǵan top bar. Olarmen birigip UBT-nyń eki nusqasyn daiyndap qoidyq. Pandemiia jaǵdaiy jaqsarmasa, ekinshi nusqany qoldanamyz. Buryn aitqanymdai, «B» josparyn qoldanamyz. Biz 11-synyptar úshin qorytyndy attestatsiiany alyp tastadyq. Bul UBT-ǵa jaqsyraq daiyndalý úshin múmkindik beredi. Biyl test suraqtary ishinde 99% tórtinshi toqsanǵa qatysty suraqtar joq», - deidi ol.
