Biylǵy UBT bastalǵaly beri 139 ball jinaǵan eki talapker tirkeldi. Degenmen qaita tekserý kezinde atalǵan oqýshylardyń ereje buzǵany belgili boldy, dep habarlaidy QazAqparat.
Bul jaiynda Ulttyq testileý ortalyǵynyń direktory Rýslan Emelbaev habardar etti.
«Sizder UBT-da óz bilimińizben joǵary upai jinasańyzdar, biz qatty qýanamyz. Biraq akademiialyq adaldyq qaǵidalaryn saqtamai, ońai tapsyrý joldaryna júginetin talapkerler bar. Sondyqtan sizderge qýanyshty jańalyqty aitar aldynda qosymsha tekseris júrgizýdi jón kórdik. Ókinishke qarai, talapkerlerdiń beinejazbasyn qaita tekserý barysynda ereje buzý faktileri anyqtaldy. Tiisti sharalar qoldanyp, testilenýshilerdiń upaiyn joidyq», - deidi Rýslan Emelbaev Instagram paraqshasynda.
Onyń aitýynsha, akademiialyq adaldyq bárinen joǵary turýy tiis.
«Ózińizdi de, ózgelerdi de aldaýdyń qajeti joq. Eń durysy armandaryńyzǵa adal jolmen jetińizder. UBT-da tereń biliminiń arqasynda 140 ball jinaityn test tapsyrýshy tabylady dep senemiz. Ol dál siz bolýyńyz múmkin, biz sizdi kútemiz. Meniń jeke nómirim ashyq jariialanǵan, Sizder áleýmettik jelilerde jazyp jatqan ár habarlamany oqimyn. Osyǵan deiin jazǵanymdai, dál qazir biz 100-den asa erekshe joǵary ball (20+ baldan 90+ balǵa deiin) jinaǵan talapkerlerdiń beinejazbasyn qosymsha tekseristen ótkizip jatyrmyz. Ereje buzýshylyqtyń arqasynda qol jetken búkil nátije joiylady», - dep atap ótti ortalyq direktory.
