بيىلعى ۇبت باستالعالى بەرٸ 139 بالل جيناعان ەكٸ تالاپكەر تٸركەلدٸ. دەگەنمەن قايتا تەكسەرۋ كەزٸندە اتالعان وقۋشىلاردىڭ ەرەجە بۇزعانى بەلگٸلٸ بولدى, دەپ حابارلايدى قازاقپارات.
بۇل جايىندا ۇلتتىق تەستٸلەۋ ورتالىعىنىڭ ديرەكتورى رۋسلان ەمەلباەۆ حاباردار ەتتٸ.
«سٸزدەر ۇبت-دا ٶز بٸلٸمٸڭٸزبەن جوعارى ۇپاي جيناساڭىزدار, بٸز قاتتى قۋانامىز. بٸراق اكادەمييالىق ادالدىق قاعيدالارىن ساقتاماي, وڭاي تاپسىرۋ جولدارىنا جٷگٸنەتٸن تالاپكەرلەر بار. سوندىقتان سٸزدەرگە قۋانىشتى جاڭالىقتى ايتار الدىندا قوسىمشا تەكسەرٸس جٷرگٸزۋدٸ جٶن كٶردٸك. ٶكٸنٸشكە قاراي, تالاپكەرلەردٸڭ بەينەجازباسىن قايتا تەكسەرۋ بارىسىندا ەرەجە بۇزۋ فاكتٸلەرٸ انىقتالدى. تيٸستٸ شارالار قولدانىپ, تەستٸلەنۋشٸلەردٸڭ ۇپايىن جويدىق», - دەيدٸ رۋسلان ەمەلباەۆ Instagram پاراقشاسىندا.
ونىڭ ايتۋىنشا, اكادەمييالىق ادالدىق بەرٸنەن جوعارى تۇرۋى تيٸس.
«ٶزٸڭٸزدٸ دە, ٶزگەلەردٸ دە الداۋدىڭ قاجەتٸ جوق. ەڭ دۇرىسى ارماندارىڭىزعا ادال جولمەن جەتٸڭٸزدەر. ۇبت-دا تەرەڭ بٸلٸمٸنٸڭ ارقاسىندا 140 بالل جينايتىن تەست تاپسىرۋشى تابىلادى دەپ سەنەمٸز. ول دەل سٸز بولۋىڭىز مٷمكٸن, بٸز سٸزدٸ كٷتەمٸز. مەنٸڭ جەكە نٶمٸرٸم اشىق جارييالانعان, سٸزدەر ەلەۋمەتتٸك جەلٸلەردە جازىپ جاتقان ەر حابارلامانى وقيمىن. وسىعان دەيٸن جازعانىمداي, دەل قازٸر بٸز 100-دەن اسا ەرەكشە جوعارى بالل (20+ بالدان 90+ بالعا دەيٸن) جيناعان تالاپكەرلەردٸڭ بەينەجازباسىن قوسىمشا تەكسەرٸستەن ٶتكٸزٸپ جاتىرمىز. ەرەجە بۇزۋشىلىقتىڭ ارقاسىندا قول جەتكەن بٷكٸل نەتيجە جويىلادى», - دەپ اتاپ ٶتتٸ ورتالىق ديرەكتورى.
