Aqtóbede UBT-nyń alǵashqy kezeńi aiaqtaldy. Úsh kúnde tyiym salynǵan zatty synaq zalyna alyp kirgen 140 oqýshy anyqtaldy, – dep habarlaidy QazAqparat.
Aqtóbe oblysynda Ulttyq biryńǵai testileýdiń alǵashqy kezeńi 16-19 qańtar aralyǵynda ótti. Oblys boiynsha 4500-den astam oqýshy qatysyp, sonyń 140-y aýditoriiaǵa tyiym salynǵan zat kirgizgeni úshin zaldan shyǵaryldy.
«UBT-nyń birinshi kezeńi oblysta 5 jerde ótti. Olar Komsomol aýyly, Shalqar, Qandyaǵash, Hromtaý jáne Aqtóbe qalasy. Synaq talapqa sai ótýi úshin «Aqtóbe - adaldyq alańy» jobalyq keńsesiniń jáne sybailas jemqorlyqqa qarsy vedomstvonyń qyzmetkerleri, arnaiy monitoringtik toptyń músheleri qadaǵalady. Baqylaýdyń qorytyndysy boiynsha Ulttyq birińǵai testileý zalyna kirer kezde 80 oqýshydan, aýditoriiada 60 oqýshydan uialy telefon, test jaýaptary bar qaǵazdar anyqtaldy. Olar aýditoriiadan shyǵarylǵanymen kóktemgi synaqqa qatysa alady», - dep habarlady «Aqtóbe – adaldyq alańy» jobalyq keńsesiniń baspasóz qyzmeti.
