Foto: © Sputnik / Vladislav Vodnev
Ǵylym jáne joǵary bilim vitse-ministri Qýanysh Erǵaliev negizgi UBT-2023 qorytyndysy týraly aitty, dep habarlaidy Sputnik Qazaqstan saity.
Ol negizgi UBT 5 shildede aiaqtalǵanyn atap ótti. UBT elektrondy formatta 43 testileý ortalyǵynda ótken. Ár bala eki ret test tapsyrý múmkindigine ie boldy.
"UBT-nyń ortasha baly jeti balǵa ósti, biyl 73 ball boldy. Bes adam eń joǵary kórsetkish aldy, bul – 137 ball. Al 120 baldan joǵary alǵan balalar sany – 2868", - dedi Erǵaliev Ortalyq kommýnikatsiialar qyzmetinde ótken baspasóz máslihatynda.
Aitýynsha, osy jyly negizgi UBT-ny tapsyrýǵa 166 myń talapker eki múmkindikti qosa eseptegende 305 myń ótinish bergen. Testileý qorytyndysy boiynsha 135 myńǵa jýyq talapker shekti ball jinady. Bul qatysýshylardyń jalpy sanynyń shamamen 83 paiyzyn quraidy. Byltyr bul kórsetkish 67 paiyzdy quraǵan.
Talapkerlerdiń 75 paiyzy - qazaq tilinde, 24 paiyzy - orys tilinde, 0,1 paiyzy aǵylshyn tilinde test tapsyrǵan.
Testileý bes pán boiynsha ótkizildi: úsh mindetti jáne eki beiindi pán. Test tapsyrmalarynyń sany – 120. Eń joǵary upai – 140. Testileý uzaqtylyǵy 4 saǵatty qurady.
