Foto: elorda.info
Negizgi UBT bastalǵaly túlekter jýyqtap alǵanda 267 myń ret test tapsyrǵan, dep habarlaidy "Ult aqparat".
Onyń ishinde talapkerlerdiń 76%-y qazaq tilinde, 24%-y orys tilinde, 292 ret aǵylshyn tilinde testileýden ótken.
Ulttyq testileý ortalyǵyń málimetinshe, UBT bastalǵaly shekti baldy jalpy talapkerdiń 79%-y jinaǵan. Ortasha kórsetkishke keletin bolsaq, ol 70 baldy qurady. Tórt adam eń joǵary kórsetkish kórsetip, 137 ball jinady.
«UBT-nyń aiaqtalýyna birneshe kún qaldy. Osy aptada biz grant tizimin jariialadyq. Granttardyń basym bóligi «Injenerlik, óńdeý, qurylys salalary» bilim berý baǵdarlama toptaryna bólindi, olardyń sany 18 744 grantty quraidy. Al «Pedagogikalyq ǵylymdarǵa» – 12 560 grant, «Aqparattyq-kommýnikatsiialyq tehnologiialar» salasyna – 10 103 grant, «Jaratylystaný ǵylymdary, matematika jáne statistika» baǵytyna 7 388 grant tiesili. Sondai-aq, «Serpin» baǵdarlamasy arqyly túsýshilerge 3 653 grant bólingen. Jalpy, bakalavriatqa túsý úshin 2023-2024 oqý jylynda 73 myńǵa jýyq grant bólindi», - dep atap ótti QR ǴJBM Ulttyq testileý ortalyǵynyń direktory Rýslan Emelbaev.
Aita keteiik, erekshe bilim berý qajettilikteri bar oqýǵa túsýshiler úshin qolaily jaǵdai jasaýdyń arqasynda alty aptanyń ishinde olar 719 ret UBT-ǵa qatysqan.
"Búgingi tańda 365 talapker smartfon, shpargalka jáne basqa da tyiym salynǵan zattardy alyp ótý áreketi saldarynan test tapsyrý múmkindiginen aiyryldy. Testileý kezinde erejelerdi buzǵany úshin aýditoriiadan 273 adam shyǵarylyp, olardyń nátijeleri joiyldy. Bógde tulǵalar anyqtalǵan joq.
Aita ketsek, 2023 jylǵy UBT aiaqtalǵannan keiin kúntizbelik jyldyń 31 qazanyna deiin testileýdiń beinejazbalaryna taldaý júrgiziledi. Tyiym salynǵan zattardy paidalaný nemese erejelerdi buzý faktileri anyqtalǵan jaǵdaida túsýshiniń UBT nátijeleri joiylady" - delingen habarlamada.
