Biyl Ulttyq biryńǵai testileý nátijesi boiynsha belgilengen shekti ball deńgeii qandai. Osy oraida Bilim jáne ǵylym ministrliginiń baspasóz qyzmeti túsinik berdi, dep habarlaidy QazAqparat.
Pedagogikalyq mamandyqtar boiynsha bilim berý grantyn taǵaiyndaý konkýrsyna qatysý úshin UBT-nyń shekti baly 75-ke deiin ulǵaityldy.
Bilim berý grantyn taǵaiyndaý konkýrsyna qatysý úshin nemese aqyly negizde oqýǵa túsý úshin:
«Pedagogikalyq ǵylymdar» salasy boiynsha keminde 75 ball;
Densaýlyq saqtaý jáne áleýmettik qamtamasyz etý (meditsina)» salasy boiynsha keminde 65 ball;
«Aýyl sharýashylyǵy jáne bioresýrstar», «Veterinariia» bilim berý salalary boiynsha keminde 60 ball;
Ulttyq joǵary oqý oryndaryna túsý úshin – keminde 65 ball, al basqa joǵary oqý uiymdaryna keminde 50 ball qajet.
Aita keteiik, pedagog mamandyǵyn tańdaǵan «Altyn belgi» iegerleriniń sany eki esege artqan.
Taratylǵan málimetke qaraǵanda, memlekettik bilim grantyn taǵaiyndaý konkýrsyna qatysý úshin UBT 15 sáýirde bastalyp, 30 maýsymǵa deiin jalǵasady. Testileý alǵash ret elektrondyq formatta ótedi.
QR BǴM Ulttyq testileý ortalyǵynyń direktory Didar Smaǵulovtyń aitýynsha, jalpy, test tapsyrmalarynyń sany ózgermedi, 5 pán qaldy.
«Eki beiindi jáne úsh mindetti pán qamtylady. Test tapsyrmalaranyń sany – 120, onyń ishinde Qazaqstan tarihy boiynsha – 15, matematikalyq saýattylyq boiynsha – 15, oqý saýattylyǵy– 20 jáne eki beiindik pánnen 35 tapsyrmadan beriledi», - dep toqtaldy ol.
