Ulttyq testileý ortalyǵynyń basshysy Ramazan Álimqulov UBT barysynda anyqtalǵan eń tapqyr «shpargalkany» atady, dep xabarlaidy QazAqparat.
Onyń aitýynsha, mektep túlekteriniń biri himiia formýlalaryn mineraldy sý syrtyna jazyp alǵan.
«Jyl saiyn óz aramyzda eń tapqyr «shpargalkalar» tizimin jasaimyz. Biyl biregei mineraldy sý bótelkesi tabyldy. Onda sýdyń quramy, zańdy mekenjaiynyń ornyna himiia formýlalary jazylǵan. Al zań boiynsha, aýditoriiaǵa mineraldy sý alyp kirýge ruqsat etilgen», - Ramazan Álimqulov Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, mineraldy sý bótelkesi «shpargalkalardyń» beiresmi reitinginde ázirge kósh bastap tur.
«Bul túlektiń tapqyrlyǵy bizdi qýantady. Sebebi, jyldan-jylǵa UBT-da balanyń fýnktsionaldyq saýattylyq deńgeiin anyqtaityn suraqtar kóbeiip keledi. Iaǵni, logikalyq oilaý, taldaý jáne bilimdi tájiribe júzinde qoldana alý qabileti mańyzdy. «Shpargalka» avtory tehnikalyq baǵytty tańdaǵany durys. Ol óziniń tapqyrlyǵymen, eptiligimen elimiz úshin úlken paidasyn tigize alady», - dep qaljyńdady Testileý ortalyǵynyń basshysy.
Aita keteiik, UBT-nyń alǵashqy úsh kúninde Qazaqstandaǵy ortasha ball 83-ti qurady. Eń joǵary nátije Almaty qalasynda T. Rysqulov atyndaǵy ulttyq ekonomikalyq ýniversitette tirkeldi. Onda almatylyq Hamzin Dáýlet Azatuly 139 ball jinady.
Respýblika boiynsha 704 mektep bitirýshi 130-139 ball aralyǵynda nátije kórsetken.
Biyl respýblika boiynsha mektep bitirýshilerdiń 70%, iaǵni 102 myńy UBT tapsyrady.
Mektep bitirgen 147 myń túlektiń basym bóligi UBT-ny qazaq tilinde tapsyrady.
UBT-da jalpy 80 myń suraq bolady. 2018 jylǵa arnalǵan Ulttyq biryńǵai test suraqtary 50 paiyzǵa jańartylǵan.
Qazaqstandyq mektep bitirýshilerge Ulttyq biryńǵai testileýden ótýge eki ret múmkindik beriledi. Ekeýinde de qajetti ball jinai almaǵan balalar JOO-ǵa shartty túrde qabyldanady.
