Tengri TV-de ótken tikelei efirde QR Eńbek jáne áleýmettik qorǵaý ministrliginiń ókili Viktoriia Shegai zeinetaqy jinaǵynda jetkilikti qarajaty bar, biraq sońǵy ýaqytta jumyssyz júrgen adam ony paidalana ala ma, degen saýalǵa jaýap berdi, dep habarlaidy QazAqparat.
«Men 47 jastamyn. Meniń zeinetaqy qorymda 4 million teńge bar, iaǵni úi alý úshin paidalanýǵa bolatyndai artyq qarajatym bar. Biraq bir jyldan astam ýaqyt boiy zeinetaqy qoryna aqsha aýdarǵan joqpyn. Baspana alatyn jaǵdaida ol qarajatty paidalana alam ba, álde sońǵy bir jylda zeinetaqy qoryna aqsha aýdarmaǵanym kedergi bola ma?».
Tengri TV-de ótken tikelei efirde oqyrman tarapynan osyndai suraq qoiyldy.
«Zeinetaqy qoryndaǵy qarajatty paidalaný boiynsha basty nazarda jinaqta jetkilikti qarajat jinalǵanyna nazar aýdarylady. Eger jinaqta qarajatyńyz jetkilikti bolsa, tiisti bóligin paidalana alasyz. Degenmen, ai saiyn zeinetaqy qoryna aqsha aýdarýǵa mán berý kerek, sebebi ai saiynǵy aýdarymyńyz az bolǵan saiyn bazalyq zeinetaqyńyz da az bolady. Al úi alýǵa qatysty keler bolsaq, bank sizdiń tólem qabiletińiz bar ekenin turaqty tabys kózińiz bar ekenine, ai saiyn zeinetaqy qoryna aqsha aýdarylyp turǵanyna bailanysty baǵalaidy», - deidi QR Eńbek jáne áleýmettik qorǵaý ministrliginiń ókili Viktoriia Shegai.
