Foto: © Pixabay / Bryan Santos
QR Ulttyq ekonomika ministri Álibek Qýantyrov mobildi aýdarymdardan bas tartý men jappai qolma-qol aqshaǵa kóshý úrdisi týraly pikir bildirdi, dep habarlaidy Kazinform agenttigi.
«Bul - ýaqytsha trend. Jai ǵana kásipkerler tarapynan jaǵdaidy tolyq túsinbeýden týǵan dúrligý. Biz ashyq jumys istegimiz keledi, munda kásipkerlerdiń óz eli úshin jasaý kerek degen oi-sanasy mańyzdy. Zańsyz jumys isteýge bolmaidy. Qazaqstan - álemdegi qarjylyq tehnologiialar men mobildi aýdarymdar turǵysynda eń tsifrlandyrylǵan el. Bizge AQSh-tan, Eýropadan kelgen sheteldikter tsifrlandyrý deńgeiin kórip, tańǵalady. Sondyqtan biz sol úrdiste qalamyz dep oilaimyn. Qazir bári boi úiretip jatyr», - dep túsindirdi Álibek Qýantyrov Úkimet úiinde ótken baspasóz máslihatynda.
Qýantyrov shaǵym bolǵan jaǵdaida Qarjy ministrligine júginýge bolatynyn eske saldy. Degenmen, Ulttyq ekonomika ministri jaǵdai túzetilip keledi dep esepteidi.
«Men elektrondy gadjetterdi belsendi qoldanamyn. Bul óte yńǵaily. Al ekonomika úshin airyqsha problemalar týyndaidy dep oilamaimyn. Barlyq adam qolma-qol aqsha bolsa da, taýar satyp alady. Jai ǵana bankter bankomattarǵa kóbirek qolma-qol aqsha júkteýi kerek», - dep tolyqtyrdy ministr.
