Ýaqyt beldeýine qatysty petitsiia qaraýǵa qabyldandy

Sýret: ashyq derekkóz

«E-Petition.kz» resmi portalynda jariialanǵan petitsiia resmi qaraý úshin qajetti qol jinady. QR ÁRPK-niń 90-4 babyna sáikes, elý myń qol qoiý shegine jetkennen keiin QR Saýda jáne integratsiia ministrligi ótinishti qaraýǵa qabyldady. Bul týraly ministrliktiń baspasóz qyzmeti málimdedi.

«QR ÁRPK-niń 90-5 babyna sáikes petitsiiany qaraý merzimi tirkelgen sátten bastap 40 jumys kúndi quraidy. QR Saýda jáne integratsiia ministrligi múddeli taraptardyń, memlekettik organdar men qoǵamdyq birlestikterdiń ókilderin qosa jumys tobynyń jumysyn uiymdastyrady. Ótinishti qaraý protsesi zańnama talaptaryna sáikes júrgiziletin bolady», - delingen ministrliktiń málimdemesinde.

Esterińizge salsaq, biyl elimiz biryńǵai ýaqyt beldeýine kóshti. Ózgeriske qarsy shyqqan qazaqstandyqtar buryn qoldanysta bolǵan ýaqyt beldeýin qaitarý jónindegi petitsiia jariialady.