Ýádeni úiip tókken Aqsaqalov aimaqtyń aýyz sý máselesin sheshe ala ma?

Foto: OKQ

Tilshiniń: «Oblysta aýyldardy taza aýyz sýmen qamtamasyz etý 10 jyl boiy ýáde etilip keledi, biraq másele áli kúnge deiin ózekti. Jaýapty sheneýnikterdiń áreketsizdigi nemese tiimsiz jumysy úshin naqty bir adam qyzmetinen bosatyldy ma? Eger joq bolsa, nege?», - degen suraǵyna Qostanai oblysy taza aýyz sýmen qamtamasyz etilgen turǵyndar sany boiynsha Respýblikada sońǵy oryndarda ekenin moiyndady. Biraq ákim 2022 jyly taza aýyz sýmen qamtamasyz etilgen azamattar 80 paiyz bolǵanyn jetkizdi. 

«Biyl 77 joba iske asyrylyp jatyr. Onyń nátijesinde 15 aýyl alǵash ret taza aýyz sý júiesine qosylady. 40 tan asa aýyldarǵa modýlder qoiylyp, olardyń da máselesi sheshilip qalady. Jyldyń aiaǵyna deiin taza aýyz sýmen qamtylǵan adamdardyń sany 90 paiyzǵa deiin jetip qalady», -deidi Qumar Irgebaiuly.

Ákim kelesi jyly “maksimaldy” jumys istep, daiyn jobalyq smetalardyń sebebimen aýyz sý máselesin 100 paiyz oryndaýǵa tyrysyp otyrǵanyn bildirdi. 

Buǵan ult.kz tilshisi: «Osy kúnge deiin máseleni sheshýde jaýapsyzdyq tanytqan sheneýnikterdiń bireýi bolsa da bosatyldy ma?», -dep qaita surap edi, ákim 

«Jyl saiyn bólinetin qarjy birdei. Múmkin, bir jaýapqa tartylǵan shyǵar. Birazy bar shyǵar! Naqtylap qazir aita almaimyn», -dep jaýap berdi.

Bizdiń ekinshi suraq: «Qandastardy jumyspen qamtý týraly esepterde jaqsy kórsetkishter aitylǵanymen, olardyń arasynda bilimi men kásibi biliktiligine sai jumys taba almadym dep júrgender kóp. Ákimdik bul problemany sheshý úshin qandai naqty baǵdarlamalar ázirledi, jáne ol baǵdarlamalardyń tiimdiligine kim jaýapty?», -boldy. 

Ákim kóship kelgenderdiń deni Rýdnyi qalasyna ornalasyp jatqanyn aitty. 

«Kóship kelgen azamattardy eń birinshi biliktiligi jetpese ony oqytyp jatyrmyz. Rýdnyida ashylatyn iri zaýyttar týraly aityp kettim. Jáne de Rýdnyi qalasynyń ákimdiginiń basshylyǵyna da, kombinattyń basshylyǵyna ylǵida aityp otyramyz. Jigitterdi sender ornalastyryńdar. Biraz jumystarǵa bul azamattar tartyldy. Taǵy da aitamyn, óziniń kásibi biliktiligi jetpei qalatyn bolsa kýrstar arqyly oqytylyp, jumysqa tartylatyn bolady», -deidi ákim.

Qumar Aqsaqalovtyń málimetinshe qazirde 200-ge jýyq qandas turaqty jumysqa ornalastyrylǵan. 

Aita keteiik, resmi málimet boiynsha, 2024 jyly 16 535 etnikalyq qazaq tarihi otanymen tabysyp, qandas mártebesin alǵan. Jalpy 1991 jyldan beri respýblikaǵa 1 mln 144,9 myń etnikalyq qazaq oralǵan. Sonymen qatar, qandastardy qonystandyrý úshin kelesidei eńbek kúshi tapshy óńirler anyqtalǵan: Aqmola, Abai, Qostanai, Pavlodar, Shyǵys jáne Soltústik Qazaqstan oblystary. Osy jylǵy 1 qarashadaǵy jaǵdai boiynsha eńbekke qabiletti jastaǵy etnikalyq qonys aýdarýshylar sany 57,4%-dy, eńbekke qabiletti jastan kishi 33,2%-dy jáne zeinetkerler 9,4%-dy quraidy.
Eńbekke qabiletti jastaǵy qandastardyń ishinen bilim deńgeii boiynsha, 17,8%-y joǵary bilimdi, 24,8%-y orta kásibi bilimdi, 54,4%-y jalpy orta bilimdi, jáne 3% bilim joq.