Tótenshe jaǵailar ministrligi Jambyl oblysynyń Korolevka kentindegi áskeri qoimada bolǵan jarylys týraly tyń málimetter usyndy, dep habarlaidy "Ult aqparat".
Ministrliktiń baspasóz qyzmeti taratqan málimet boiynsha, tótenshe oqiǵa kezinde jalpy aýdany 697 sharshy metr bolatyn qoima ǵimaratyn jalyn sharpyǵan.
«Jaryqshaqtardyń ushý radiýsy 2 shaqyrymǵa deiin jetti. Qazirgi málimet boiynsha, qoimada 500 tonnadan astam trotil saqtalǵan. Taǵy bir málimet boiynsha aýrýhanaǵa 90-ǵa jýyq adam túsken. Onyń 49-y tótenshe jaǵdailar departamentiniń qyzmetkerleri», - dep jazylǵan resmi derekte.
Aita keteiik, 26 tamyz kúni saǵat 19:00-de Jambyl oblysynyń Baizaq aýdanynda ornalasqan áskeri bólim qoimalarynyń birinen órt shyǵyp, jarylys boldy.
Sońǵy resmi derekter boiynsha, Jambyl oblysyndaǵy jarylystan 4 áskeri qyzmetshi qaza tapqan.
