video kadry
Semeide órtsóndirýshiler keshe túnde órt shyqqan saýda ǵimaratyndaǵy jalyndy sóndirýdi jalǵastyryp jatyr, - dep habarlaidy «Ult aqparat» Tengrinews.kzke silteme jasap.
Oblystyq tótenshe jaǵdailar departamenti málimetinshe, 6 aqpanǵa qaraǵan túni órt sóndirý qyzmetine Zasiadko kóshesi, 65-úide órt shyqqany týraly habarlama kelip túsken. Eki qabatty ǵimaratta túrli taýarlar turǵan plastikalyq býtikter órtengen. Órt ǵimarattyń ekinshi qabatyna jaiylǵan.
Resmi málimet boiynsha, ǵimarat tútindep jatyr. Qurbandar men zardap shekkender joq. Órttiń aldyn ala aýmaǵy tórt myń sharshy metrden asady. Órttiń shyǵý sebebi anyqtalyp jatyr.
"Oqiǵa ornynda órt sóndirý shtaby jumys isteidi. Órtti sóndirý joǵary temperatýra, joǵary órt júktemesi, tez tutanatyn materialdar jáne ǵimarattyń kúrdeliligine bailanysty qiyndap otyr", - delingen Tótenshe jaǵdailar departamentiniń baspasóz qyzmeti habarlamasynda.
Órtti sóndirýge jeke quramnyń 349 adamy, 47 tehnika jáne bir órt sóndirý poiyzy jumyldyryldy. Órtti sóndirý jumystary jalǵasyp jatyr.
Eske salaiyq, Semeidegi eń iri saýda ortalyǵy 6 aqpanǵa qaraǵan túni órtke orandy. Arnaiy tehnikanyń kedergisiz ótýi úshin qala ortalyǵyndaǵy birqatar kósheler qorshaýǵa alyndy.
