Foto: pixabay.com
Almaty qalalyq Tótenshe jaǵdailar departamenti Qazgidrometke silteme jasap, aýa raiyna qatysty eskertý jariialady.
Sinoptikterdiń boljaýynsha, 17 mamyr kúni Almatyda synap baǵanasy 37 gradýsqa deiin kóterilip, kún qatty ystyq bolady.
Osyǵan bailanysty Tótenshe jaǵdailar departamenti mynandai qaýipsizdik sharalaryn saqtaýdy usynady:
– taýǵa demalýǵa barǵanda ashyq ot jaqpaýdy, tutanǵan temeki qaldyqtaryn tastamaýdy suraimyz;
– bir jelige birneshe elektr qurylǵylardy qospańyz, óitkeni elektr jelisiniń shamadan tys júktelýi qysqa tuiyqtalýǵa jáne órtke ákelýi múmkin;
– balalardy kóliktiń ishine az ýaqytqa bolsa da qaldyrmańyz;
– qala turǵyndary men qonaqtaryn kún sáýlesinen qorǵaný úshin serýendeýden bas tartýǵa shaqyrdy.
Osyǵan deiin Ekologiia jáne tabiǵi resýrstar ministri Erlan Nysanbaev Úkimet otyrysynda jaz ailaryna arnalǵan aýa raiy boljamyn aitqan bolatyn.
