Tótenshe jaǵdailar departamentiniń ókilderi aptap ystyqqa bailanysty birqatar saqtyq sharalaryn eskertti. Bul týraly órt qaýipsizdigi sharalary jáne balalardyń terezeden qulaý faktileri boiynsha ótken onlain brifingide aityldy, dep habarlaidy QazAqparat.
«Birinshiden, dala jáne ormandy jerde ystyq, qurǵaq, jeldi aýa raiy kezinde bolǵan jaǵdaida ot jaǵýǵa bolmaidy. Ekinshiden, saiajaida jinalǵan qoqys pen qýraǵan shópti jaqqan kezde qaýipsiz araqashyqtyqty saqtaý kerek. Ol 50 metrdi quraidy. Sonymen qatar, janǵan otty qaraýsyz qaldyrýǵa bolmaidy jáne ony baqylaýdy balalarǵa tapsyrýǵa bolmaidy. Janyp jatqan ot tolyq óshkenine kóz jetkizip alý kerek», - deidi Nur-Sultan qalasy TJD basqarma bastyǵynyń mindetin atqarýshy Erkin Otarǵalymuly.
Onyń aitýynsha, qalada birqatar shekteýler engizilgen. TJD qyzmetkeri halyq arasynda keń, aýqymdy túsindirý jumystaryn júrgizýde.
«Karantin rejimi birte-birte jeńildep kele jatyr. Osyǵan bailanysty turǵyndardyń tabiǵat aiasyna shyǵý faktileri úrdis alýda. Tabiǵat aiasyna barǵan kezde mindetti túrde qarapaiym qaýipsizdik erejelerin saqtaý kerek. Ot jaǵý kerek bolsa, onyń óshkenine kóz jetkizip alyńyzdar», - deidi ol.
