تٶتەنشە جاعدايلار دەپارتامەنتٸنٸڭ ٶكٸلدەرٸ اپتاپ ىستىققا بايلانىستى بٸرقاتار ساقتىق شارالارىن ەسكەرتتٸ. بۇل تۋرالى ٶرت قاۋٸپسٸزدٸگٸ شارالارى جەنە بالالاردىڭ تەرەزەدەن قۇلاۋ فاكتٸلەرٸ بويىنشا ٶتكەن ونلاين بريفينگٸدە ايتىلدى, دەپ حابارلايدى قازاقپارات.
«بٸرٸنشٸدەن, دالا جەنە ورماندى جەردە ىستىق, قۇرعاق, جەلدٸ اۋا رايى كەزٸندە بولعان جاعدايدا وت جاعۋعا بولمايدى. ەكٸنشٸدەن, ساياجايدا جينالعان قوقىس پەن قۋراعان شٶپتٸ جاققان كەزدە قاۋٸپسٸز اراقاشىقتىقتى ساقتاۋ كەرەك. ول 50 مەتردٸ قۇرايدى. سونىمەن قاتار, جانعان وتتى قاراۋسىز قالدىرۋعا بولمايدى جەنە ونى باقىلاۋدى بالالارعا تاپسىرۋعا بولمايدى. جانىپ جاتقان وت تولىق ٶشكەنٸنە كٶز جەتكٸزٸپ الۋ كەرەك», - دەيدٸ نۇر-سۇلتان قالاسى تجد باسقارما باستىعىنىڭ مٸندەتٸن اتقارۋشى ەركٸن وتارعالىمۇلى.
ونىڭ ايتۋىنشا, قالادا بٸرقاتار شەكتەۋلەر ەنگٸزٸلگەن. تجد قىزمەتكەرٸ حالىق اراسىندا كەڭ, اۋقىمدى تٷسٸندٸرۋ جۇمىستارىن جٷرگٸزۋدە.
«كارانتين رەجيمٸ بٸرتە-بٸرتە جەڭٸلدەپ كەلە جاتىر. وسىعان بايلانىستى تۇرعىنداردىڭ تابيعات اياسىنا شىعۋ فاكتٸلەرٸ ٷردٸس الۋدا. تابيعات اياسىنا بارعان كەزدە مٸندەتتٸ تٷردە قاراپايىم قاۋٸپسٸزدٸك ەرەجەلەرٸن ساقتاۋ كەرەك. وت جاعۋ كەرەك بولسا, ونىڭ ٶشكەنٸنە كٶز جەتكٸزٸپ الىڭىزدار», - دەيدٸ ول.
