Qazaqstannyń Ulttyq kollektorlar palatasy palataǵa áli qosylmaǵan barlyq kollektorlyq agenttikterge tótenshe jaǵdai rejimi jáne karantinge bailanysty engizilgen ýaqytsha shekteýlerdi ustanýǵa shaqyrdy. Bul týraly búgin Qazaqstan Respýblikasy Qarjy naryǵyn retteý jáne damytý agenttigi Qarjy qyzmetterin tutynýshylardyń quqyqtaryn qorǵaý departamentiniń direktory Aleksandr Terentev málimdedi, dep habarlaidy "Ult aqparat".
Atap aitqanda, Ulttyq kollektorlar palatasy tótenshe jaǵdai rejimi bitkenshe Nur-Sultan jáne Almaty qalalarynda jumys isteitin qyzmetkerlerdi qashyqtyqtan jumys isteý rejimine aýystyrýdy usyndy. Sondai-aq, eki megapoliste turatyn bankte qaryzy bar adamdarǵa barýdy, jeke kezdesýlerdi toqtata turý usynyldy.
«Turǵyn úilerde, jer úilerde karantinge jabylyp otyrǵan qaryzy bar adamdarǵa qatysty kez kelgen áreket túrin toqtatýdy usynamyz. Sondai-aq, Nur-Cultan, Almaty qalalarynda turatyn bankke bereshegi bar adamdarǵa saǵat 16:00-den keiin habarlasýdy toqtata turý kerek. Nesie berýshilerdiń qaryz alýshylarǵa sotqa shaǵym berýi úshin materialdardy daiyndaýdy da shegerý qajet», - deidi Aleksandr Terentev.
Málim etilgendei, qazirgi ýaqytta Ulttyq kollektorlar palatasy qashyqtyqtan jumys isteý rejimine kóshken.
