Foto: ashyq derekkóz
Qazaqstanda tártip saqshylarynyń jaýapkershiligin arttyrý josparlanyp otyr, - dep habarlaidy Tengrinews.kz agenttigi.
Parlament Májilisinde "Áskeri politsiia organdary týraly" zań jobasy qaralyp jatyr. Zań jobasyn talqylaý barysynda Májilismen Erlan Sairov tártip saqshylarynyń jaýapkershiligi týraly surady.
"Qaiǵyly qańtar kezinde Taldyqorǵan qalasynda, Jambyl jáne Qyzylorda oblystarynda keibir qyzmetkerler jumystaryn tastap ketip qalǵan bolatyn. Prokýratýra ókilderine suraǵym bar, osy organ basshylaryna qandai shara qoldanyldy?", - dep surady Sairov.
"Qańtar oqiǵasyna qatysty ai saiyn tiisti aqparatty beremiz. Qansha qylmystyq is qozǵaldy, qansha adam jaýapqa tartylǵanyn habarlaimyz. Tiisti aqparat qajet bolsa, taǵy bere alamyn", - dedi bas prokýrordyń orynbasary Jandos Ómiraliev.
Ol 2022 jyldyń jeltoqsanynda zańǵa tiisti ózgerister engizilgenin aitty.
"Quqyq qorǵaý organdary qyzmetkerleriniń Tótenshe jaǵdai kezinde jumys oryndaryn tastap ketý, ókilettikterin asyra paidalanýy boiynsha Qylmystyq kodekske jańa bap engizdik. Onda 10 jylǵa deiin bas bostandyǵynan aiyrý jazasy kórsetilgen. Joǵaryda aitqanymdai, men tolyq aqparatty bólek bere alamyn", - dep jaýap berdi Bas prokýratýra ókili.
