فوتو: اشىق دەرەككٶز
قازاقستاندا تەرتٸپ ساقشىلارىنىڭ جاۋاپكەرشٸلٸگٸن ارتتىرۋ جوسپارلانىپ وتىر, - دەپ حابارلايدى Tengrinews.kz اگەنتتٸگٸ.
پارلامەنت مەجٸلٸسٸندە "ەسكەري پوليتسييا ورگاندارى تۋرالى" زاڭ جوباسى قارالىپ جاتىر. زاڭ جوباسىن تالقىلاۋ بارىسىندا مەجٸلٸسمەن ەرلان سايروۆ تەرتٸپ ساقشىلارىنىڭ جاۋاپكەرشٸلٸگٸ تۋرالى سۇرادى.
"قايعىلى قاڭتار كەزٸندە تالدىقورعان قالاسىندا, جامبىل جەنە قىزىلوردا وبلىستارىندا كەيبٸر قىزمەتكەرلەر جۇمىستارىن تاستاپ كەتٸپ قالعان بولاتىن. پروكۋراتۋرا ٶكٸلدەرٸنە سۇراعىم بار, وسى ورگان باسشىلارىنا قانداي شارا قولدانىلدى?", - دەپ سۇرادى سايروۆ.
"قاڭتار وقيعاسىنا قاتىستى اي سايىن تيٸستٸ اقپاراتتى بەرەمٸز. قانشا قىلمىستىق ٸس قوزعالدى, قانشا ادام جاۋاپقا تارتىلعانىن حابارلايمىز. تيٸستٸ اقپارات قاجەت بولسا, تاعى بەرە الامىن", - دەدٸ باس پروكۋروردىڭ ورىنباسارى جاندوس ٶمٸراليەۆ.
ول 2022 جىلدىڭ جەلتوقسانىندا زاڭعا تيٸستٸ ٶزگەرٸستەر ەنگٸزٸلگەنٸن ايتتى.
"قۇقىق قورعاۋ ورگاندارى قىزمەتكەرلەرٸنٸڭ تٶتەنشە جاعداي كەزٸندە جۇمىس ورىندارىن تاستاپ كەتۋ, ٶكٸلەتتٸكتەرٸن اسىرا پايدالانۋى بويىنشا قىلمىستىق كودەكسكە جاڭا باپ ەنگٸزدٸك. وندا 10 جىلعا دەيٸن باس بوستاندىعىنان ايىرۋ جازاسى كٶرسەتٸلگەن. جوعارىدا ايتقانىمداي, مەن تولىق اقپاراتتى بٶلەك بەرە الامىن", - دەپ جاۋاپ بەردٸ باس پروكۋراتۋرا ٶكٸلٸ.
