Belgili aqyn Tynyshtyqbek Ábdikákimuly Prezident Qasym-Jomart Toqaevtyń elimizdegi tótenshe jaǵdaiǵa jáne memlekettiń daǵdarysqa qarsy is-sharalaryna bailanysty málimdemesine orai pikir bildirdi, dep habarlaidy "Ult aqparat".
«Memleket basshysy óz sózinde koronavirýsqa qatysty atqarylyp jatqan jumystardy egjei-tegjeili aityp berdi. Prezidenttiń bastamalaryn qoldaimyz. Azyq-túlikti tegin alatyn azamattardyń qatary kóbeietini, dárigerlerge qoldaý kórsetiletini áste durys. Taýar baǵasynyń qymbattamaýyn baqylaýǵa alý da kún tártibindegi másele. Osy oraida kásipkerler jeke paidany ǵana oilap, adamgershilikten attamaǵany abzal», - deidi aqyn.
Onyń aitýynsha, halyq arasynda tótenshe jaǵdai rejimin buzyp jatqandar birinshi kezekte óz jaqyndarynyń densaýlyǵyn oilaýlary tiis.
«Bul da bir qiynshylyq, ýaqytsha synaq. Osyndai sátterde aýyzbirshilik tanytqanymyz jón. Bárimiz bir úidiń balasyndai tártipke baǵynýymyz kerek. Sonda ǵana jer-jahandy jalmaǵan juqpaly indetti jeńe alamyz», - deidi Tynyshtyqbek Ábdikákimuly.
Óz sózinde ol Shyǵys Qazaqstan oblysynda koronavirýstyń taralýyna tosqaýyl qoiý maqsatynda atqarylyp jatqan jumystarǵa oń baǵasyn berdi.
«Tótenshe jaǵdai kezinde óńirimizde jańa shekteýler engizilip jatyr. Bul halyqtyń bei-bereket júrip-turýyn tyiý úshin qolǵa alynǵan shara. Endi barsha jerlesterimdi úide otyrýǵa, sol shekteýlerdi qatań saqtaýǵa shaqyramyn», - deidi ádebietshi.
Aita keteiik, keshe Prezident Qasym-Jomart Toqaev respýblikalyq telearnalar efirinen málimdeme jasaǵan bolatyn.
.jpeg)