O-ooý, balalyq shaǵymnyń máńgi memleketi,
Bairaǵyń - buzaýtisti bujyr qamshysy Ákemniń,
Ánuranyń - Sheshemniń ásem áldii,
Eltańbań - perishte ańqyǵan besigim!
Men qazir sorly elde júrmin,
Ata Tili de tunshyqtyrylyp, Ata Mekeni de satyla bastaǵan.
Ashynyp aitqan aqiqat-sózimniń quny - kók tiyn.
Aq sarbaz! - desem, artymnan erer jurtym joq.
Abaqtyǵa ketsem, jarym da izdep kelmestei.
O-ooý, balalyq shaǵymnyń máńgi memleketi,
Sen meniń sońǵy shebimsiń!
Sen meniń sońǵy shebimsiń!
Sábilik byldyryma qoiyrtpaǵyn qostyrtpai esh tildiń,
Shybyǵyma minip ap,
Shi-sadaǵymdy Kókke kóterip,
Qarys jeriń úshin, qas jaýlarmen qandasyp,
Men Ózińdi dáiim qorǵaimyn!
Qorǵai almasam,
Eńirep,
Týǵan Jerimniń topyraǵyn shainap Sendegi,
Oqtan da ótkir óksikterimnen jansyrap ólermin,
Besigimdi qushaqtap...
Tynyshtyqbek Ábdikákimuly
