و-ووۋ, بالالىق شاعىمنىڭ مەڭگٸ مەملەكەتٸ,
بايراعىڭ - بۇزاۋتٸستٸ بۇجىر قامشىسى ەكەمنٸڭ,
ەنۇرانىڭ - شەشەمنٸڭ ەسەم ەلديٸ,
ەلتاڭباڭ - پەرٸشتە اڭقىعان بەسٸگٸم!
مەن قازٸر سورلى ەلدە جٷرمٸن,
اتا تٸلٸ دە تۇنشىقتىرىلىپ, اتا مەكەنٸ دە ساتىلا باستاعان.
اشىنىپ ايتقان اقيقات-سٶزٸمنٸڭ قۇنى - كٶك تيىن.
اق سارباز! - دەسەم, ارتىمنان ەرەر جۇرتىم جوق.
اباقتىعا كەتسەم, جارىم دا ٸزدەپ كەلمەستەي.
و-ووۋ, بالالىق شاعىمنىڭ مەڭگٸ مەملەكەتٸ,
سەن مەنٸڭ سوڭعى شەبٸمسٸڭ!
سەن مەنٸڭ سوڭعى شەبٸمسٸڭ!
سەبيلٸك بىلدىرىما قويىرتپاعىن قوستىرتپاي ەش تٸلدٸڭ,
شىبىعىما مٸنٸپ اپ,
شي-ساداعىمدى كٶككە كٶتەرٸپ,
قارىس جەرٸڭ ٷشٸن, قاس جاۋلارمەن قانداسىپ,
مەن ٶزٸڭدٸ دەيٸم قورعايمىن!
قورعاي الماسام,
ەڭٸرەپ,
تۋعان جەرٸمنٸڭ توپىراعىن شايناپ سەندەگٸ,
وقتان دا ٶتكٸر ٶكسٸكتەرٸمنەن جانسىراپ ٶلەرمٸن,
بەسٸگٸمدٸ قۇشاقتاپ...
تىنىشتىقبەك ەبدٸكەكٸمۇلى
