Túrkistan oblysynyń ákimi Janseiit Túimebaev sáýlet salasyna qatysty mamandarmen beiresmi kezdesý ótkizdi. Quramynda Qazaqstannyń halyq sýretshisi Erbolat Tólepbai, QR Sáýletshiler odaǵynyń vitse-prezidenti Baqytjan Áshirbaev, oblystyq sáýlet jáne qala qurylysy basqarmasynyń basshysy Erkin Júsipov jáne oblystyq qurylys basqarmasynyń basshysy Toqtar Úsipaliev syndy birqatar azamattar bar jumys toby Túrkistan qalasynyń bas josparynda qamtylatyn nysandardyń ornalasý tártibi, sáýlettik kelbetiniń erekshelikterimen tanysty.
Úsh baǵyt boiynsha, atap aitqanda, Q.A.Iasaýi mavzoleii men «Áziret Sultan» memlekettik qoryq murajaiynyń mańynda salynatyn qurylys nysandary, sonymen birge, ákimshilik-iskerlik ortalyǵyn salý baǵyttary boiynsha damityn oblys ortalyǵyndaǵy jobalardyń naqty ornalasý oryndaryn talqylaǵan mamandar atalǵan jumystarǵa qosymsha Túrkistan qalasyndaǵy joldardy da retteýdi josparǵa qosty. Osy oraida, belgili sáýletshiler shaharda ainalma joldar salyp, qalanyń infraqurylymyn damytýdy jáne sáýletin odan ári kórkeitýdi kózdep otyr.
Jalpy, atqarylyp jatqan jumystardyń barysyna kóńili tolǵan óńir basshysy oblystyq sáýlet jáne qala qurylysy basqarmasynyń basshysy E.Júsipovke sáýlettik jumystardy halyqaralyq deńgeidegidei sapaly etip daiyndap, merziminde tapsyrýdy júktedi. Halyqaralyq konkýrsta jariialanǵan ǵimarattardyń ornalasý jobasyn qarap, pikirimen bólisti.
Aita ketý kerek, búgingi tańda Túrkistanda uzyndyǵy 764 shaqyrymdy quraityn 875 kóshe, «Batys Eýropa – Batys Qytai» kólik dálizi aiasynda salynyp, qalaǵa tiesili bolǵan 12 shaqyrymdyq bir ǵana ainalma jol bar.
Túrkistan shaharyn damytý týraly tujyrymdamanyń basty maqsaty – tarihi-mədeni jəne rýhani muranyń saqtalýyn qamtamasyz etetin túrki əleminiń ortalyǵy retinde qalany odan əri damytýdyń negizgi baǵyttaryn aiqyndaý, sondai-aq Túrkistandy mańyzdy óńirlik damý ortalyǵy etip qalyptastyrý bolyp tabylady. Naqtyraq tarqatsaq, onda shahardyń halyqaralyq, týristik jəne óńirlik turǵydan perspektivalary aiqyndalyp, qalanyń əleýmettik-ekonomikalyq əleýeti, onyń aýmaǵynyń josparly uiymdastyrylýy, qala qurylysy aimaqtaryna bólinýi syndy mańyzdy máseleler qaralǵan.
