Biyl Aziiadaǵy ózara senim sharalary keńesiniń qurylǵanyna 27 jyl tolady. Bul týraly «Aziiadaǵy ózara senim sharalary keńesi keńistigindegi azamattyq qoǵam: jaǵdaiy men damý perspektivalary» forýmynda aityldy, dep habarlaidy "Ult aqparat".
«Biyl Aziiadaǵy ózara senim sharalary keńesiniń qurylǵanyna 27 jyl tolady. Bul bastamany birinshi bolyp qolǵa alǵan QR Tuńǵysh Prezidenti Nursultan Nazarbaev bolatyn. Búgingi tańda AÓSShK quramyna 27 memleket, 8 baqylaýshy el jáne 5 halyqaralyq uiym kiredi», - deidi Qazaqstan halqy Assambleiasy tóraǵasynyń orynbasary, hatshylyq meńgerýshisi Janseiit Túimebaev.
Onyń aitýynsha, 2014 jyly 5 mamyrda Qazaqstan halqy Assambleiasy men AÓSShK arasynda memorandýmǵa qol qoiylǵan.
«Kelesi jyly Assambleianyń 25 jyldyǵy toilanady. Bul - Assambleianyń qoǵamdaǵy rólin kóterýdegi jańa deńgei bolmaq, sol sebepti búgingi forýmnyń taqyrybyn osylai atadyq. Qazaqstan halqy assambleiasy - azamattyq qoǵamdy damytýdaǵy jarqyn mysal», - dedi ol forýmnyń ashylý saltanatynda.
