بيىل ازيياداعى ٶزارا سەنٸم شارالارى كەڭەسٸنٸڭ قۇرىلعانىنا 27 جىل تولادى. بۇل تۋرالى «ازيياداعى ٶزارا سەنٸم شارالارى كەڭەسٸ كەڭٸستٸگٸندەگٸ ازاماتتىق قوعام: جاعدايى مەن دامۋ پەرسپەكتيۆالارى» فورۋمىندا ايتىلدى, دەپ حابارلايدى "ۇلت اقپارات".
«بيىل ازيياداعى ٶزارا سەنٸم شارالارى كەڭەسٸنٸڭ قۇرىلعانىنا 27 جىل تولادى. بۇل باستامانى بٸرٸنشٸ بولىپ قولعا العان قر تۇڭعىش پرەزيدەنتٸ نۇرسۇلتان نازارباەۆ بولاتىن. بٷگٸنگٸ تاڭدا اٶسشك قۇرامىنا 27 مەملەكەت, 8 باقىلاۋشى ەل جەنە 5 حالىقارالىق ۇيىم كٸرەدٸ», - دەيدٸ قازاقستان حالقى اسسامبلەياسى تٶراعاسىنىڭ ورىنباسارى, حاتشىلىق مەڭگەرۋشٸسٸ جانسەيٸت تٷيمەباەۆ.
ونىڭ ايتۋىنشا, 2014 جىلى 5 مامىردا قازاقستان حالقى اسسامبلەياسى مەن اٶسشك اراسىندا مەموراندۋمعا قول قويىلعان.
«كەلەسٸ جىلى اسسامبلەيانىڭ 25 جىلدىعى تويلانادى. بۇل - اسسامبلەيانىڭ قوعامداعى رٶلٸن كٶتەرۋدەگٸ جاڭا دەڭگەي بولماق, سول سەبەپتٸ بٷگٸنگٸ فورۋمنىڭ تاقىرىبىن وسىلاي اتادىق. قازاقستان حالقى اسسامبلەياسى - ازاماتتىق قوعامدى دامىتۋداعى جارقىن مىسال», - دەدٸ ول فورۋمنىڭ اشىلۋ سالتاناتىندا.
