Dúisenbi kúni Qazaqstan halqy Assambleiasy Tóraǵasynyń orynbasary – Qazaqstan Respýblikasy Prezidenti QHA hatshylyǵynyń meńgerýshisi J.Túimebaevtyń Nur-Sultan qalasyndaǵy Dostyq úiinde EQYU-nyń az ulttar isteri jónindegi joǵarǵy komissary Lamberto Zanermen kezdesýi ótti, dep habarlaidy "Ult aqparat".
Júzdesýge QR Parlamenti depýtattary, QHA etnomádeni birlestikteri men jastar qanatynyń ókilderi, Assambleia músheleri, Eýropadaǵy qaýipsizdik jáne yntymaqtastyq uiymynan Nur-Sultandaǵy EQYU Baǵdarlamalar keńsesiniń basshysy Derd Sabo, EQYU-nyń Az ulttar isteri jónindegi joǵarǵy komissarynyń aǵa saiasi keńesshisi Mark Fýmagalli jáne basqalar qatysty.
Qonaqtardy Dostyq úii men Nur-Cultan qalasyndaǵy etnomádeni birlestikterdiń qyzmetimen tanystyra otyryp, Janseiit Túimebaev N.Nazarbaevtyń Qoǵamdyq kelisim men ulttyq birliktiń qazaqstandyq modeli jáne Assambleianyń qurylymy men jalpy atqarylǵan jumystary týraly aita ketti.
Óz kezeginde, qonaqtar az ulttar isteri jónindegi joǵarǵy komissardyń sandyq dáýirdegi az ulttar jáne media jónindegi Tallin usynymdarymen tanystyrdy.
Kezdesý sońynda taraptar yntymaqtastyq pen tyǵyz bailanysta jumys jasaýǵa daiyn ekenderin bildirdi.
