Elordada «Uly dalanyń ultaralyq tili» respýblikalyq forýmy ótip jatyr, dep habarlaidy "Ult aqparat".
«Qazaqstan halqy Assambleiasy Táýelsizdik kúni qarsańynda «Uly dalanyń ultaralyq tili» atty respýblikalyq forým ótkizip otyr. Forýmnyń maqsaty – Qazaqstan halqynyń 30 paiyzyn quraityn basqa ulttardyń qazaq tilin – memlekettik tildi ultaralyq til retinde qoldanyp jatqanyn kórsetý. Osyǵan orai qazaq tilin jetik meńgergen orys, ýkrain, poliak, eston, kúrd, kárister 14 oblystan jáne Nur-Sultan, Almaty, Shymkent qalalarynan kelip otyr», - dedi Qazaqstan halqy Assambleiasy tóraǵasynyń orynbasary – hatshylyq meńgerýshisi Janseiit Túimebaev forým aldynda tilshilerge bergen suhbatynda.
Janseiit Túimebaevtyń aitýyna qaraǵanda, Qazaqstan halqy Assambleiasynyń búgingi forýmy tek qazaq tilinde ótedi.
«Osy oraida aitpaǵym: Elbasymyzdyń «Elge degen kózqaras – tilge degen kózqaras» degen sózin atap ótkim keledi. Sondyqtan, memleketimizde ómir súrip jatqan barlyq ulttyń qazaq tilin – memlekettik til esebinde, ultaralyq til esebinde qoldanatyn kezi jetti. Prezidentimiz Qasym-Jomart Kemeluly Toqaev Qazaqstan halqyna Joldaýynda «qazaq tili taiaý keleshekte ultaralyq til retinde qyzmet atqarýy qajet» degen sózin eske salsam deimin. Mine, osy jumystardyń júzege asa bastaǵanyn kórsetý maqsatynda osyndai forýmdy birinshi ret uiymdastyryp otyrmyz», - dedi ol.
