Kollaj: Qonysbai ShEJIMBAI, «EQ»
2024 jyldyń alty aiynda QR Saýda jáne integratsiia ministrliginiń Tutynýshylardyń quqyqtaryn qorǵaý komitetiniń mamandarymen 777,1 mln teńgeden astam somaǵa tutynýshylarǵa taýarlar men qyzmetterdi qaitarý, aiyrbastaý jáne aýystyrý qamtamasyz etildi, -dep habarlaidy "Ult Aqparat".
Bul shamamen 10 myńnan asa tutynýshynyń quqyǵyn qorǵaýǵa múmkindik berdi.
«5 mln teńgeden nemese odan da kóp qaitarý somasy bar» tutynýshylardyń quqyqtary qorǵalǵan ister boiynsha iaǵni 18 iri is boiynsha 112 mln teńge qaitaryldy.
«Kem degende 5 mln teńgege qarajatty qaitarý sheńberinde» 34 tutynýshynyń quqyqtary jalpy somasy 437,6 mln teńgege qorǵaldy.
Astana qalasynyń turǵyny páter satyp alyp, sýyq úi-jai men sapasyz jóndeý máselelerine tap boldy. Atalǵan sebepke bailanysty ol elordalyq saýda jáne tutynýshylardyń quqyqtaryn qorǵaý Departamentine habarlasyp, ol sotqa deiingi shaǵym jasaý boiynsha quqyqtyq kómek pen keńes aldy. Atqarylǵan jumystyń nátijesinde tutynýshyǵa 33 mln teńgege teń aqshalai qarajattyń tolyq kólemi qaitaryldy.
Elimizidiń basqa da aimaqtarynda tutynýshylarǵa kelesidegidei qomaqty soma qaitaryldy:
Almatyda 7 tutynýshyǵa jalpy somasy 122,1 mln teńgege aqshalai qarajat qaitaryldy.
Aqtóbe oblysynda kórsetilmegen týristik qyzmetter úshin qarajatty qaitarmaý týraly ótinishter boiynsha jáne sot protsesteriniń nátijesinde 34 tutynýshyǵa 60,4 mln teńge qaitaryldy.
Astanada fitnes-ortalyqtyń usynylmaǵan qyzmeti úshin 28 tutynýshyǵa 5,3 mln teńge qaitaryldy.
Mańǵystaý oblysynda 5 tutynýshyǵa jetkizilmegen uialy bailanys abonenttik qurylǵylary úshin 2,5 mln teńge qaitaryldy.
Shymkentte 5 tutynýshyǵa onlain kýrstarda sapasyz oqyǵany úshin 1,5 mln teńge qaitaryldy.
Batys Qazaqstan oblysynda qurylys salýshyǵa qarsy 15 tutynýshyny qorǵaý týraly talap boiynsha sot úidegi aqaýlardy túzetýge jáne árbir ótinish berýshige 100 myń teńgeden moraldyq ziian ótemaqysyn óndirip alýǵa mindettedi.
Shymkentte 11 tutynýshynyń fýtbol klýbyna qarsy quqyqtaryn qorǵaý jónindegi aýdanaralyq sotqa shaǵym 165 myń teńgeni qaitarýǵa arnalǵan mediatsiialyq kelisimmen aiaqtaldy.
QR SIM Tutynýshylardyń quqyqtaryn qorǵaý komiteti elimizdiń barlyq óńiri boiynsha tutynýshylardyń quqyqtaryn tiimdi qorǵaý boiynsha belsendi jumysyn jalǵastyrýda.
