.jpg)
Foto: videodan skrinshot
Tanymal kásipker Tursynǵali Alagózov óz qyzmetkerlerine taǵy da baspana tartý etip, kópshiliktiń yqylasyna bólendi. Bul qýanyshty jańalyqty bloger Beibit Álibekov áleýmettik jelidegi paraqshasynda jariialady, dep habarlaidy Ult.kz.
Kásipker Shymkent syra qainatý zaýytynyń 50 jyldyq mereitoiyna orai, onda uzaq jyldar boiy eńbek etken qyzmetkerlerin erekshe qurmetpen marapattady. Atap aitqanda, 46 jylyn osy kásiporynǵa arnaǵan jumysshylarǵa 50 páter syiǵa berildi.
Jelide taraǵan beinejazbada Tursynǵali Alagózov bul kúnniń ózi úshin airyqsha mánge ie ekenin atap ótti. Onyń aitýynsha, ómirinde qarjylyq qiyndyqtardy bastan ótkergen sátteri de bolǵan. Kásipker úsh jyl buryn aiyna nebári 200 myń teńge tabys taýyp, kúndelikti shyǵynyn eseptep ómir súrgenin eske aldy.
Sondai-aq ol sol kezeńde páterinen aiyrylyp qalý qaýpimen betpe-bet kelgenin jetkizdi. Kún saiyn baspanasyz qalam ba degen alańdaýshylyqpen ómir súrgenin jasyrmady.
Kásipkerdiń aitýynsha, dál sol qiyn kezeńde oǵan adamdarǵa qoldaý kórsetýdiń mańyzyn tereń túsingen. Keiin jaǵdaiy túzelgen soń, ol ózine bergen ýádesin oryndap, ainalasyndaǵy jandarǵa kómektesýdi basty maqsattarynyń birine ainaldyrǵan.
"Sol kezde ózime ýáde berdim: eger biznesimdi qaita qalpyna keltire alsam, adamdarǵa kómektesemin dedim. Sondyqtan búgin osynda otyrǵan barshańyzǵa jeke óz atymnan páter syilaǵym keledi", – dedi ol.
Búginde múmkindigi artqan tusta Tursynǵali Alagózov áriptesterine baspana syilaýdy azamattyq paryzym dep sanaitynyn aityp, olardyń eńbegin joǵary baǵalaitynyn jetkizdi.
