.jpg)
فوتو: ۆيدەودان سكرينشوت
تانىمال كەسٸپكەر تۇرسىنعالي الاگٶزوۆ ٶز قىزمەتكەرلەرٸنە تاعى دا باسپانا تارتۋ ەتٸپ, كٶپشٸلٸكتٸڭ ىقىلاسىنا بٶلەندٸ. بۇل قۋانىشتى جاڭالىقتى بلوگەر بەيبٸت ەلٸبەكوۆ ەلەۋمەتتٸك جەلٸدەگٸ پاراقشاسىندا جارييالادى, دەپ حابارلايدى Ult.kz.
كەسٸپكەر شىمكەنت سىرا قايناتۋ زاۋىتىنىڭ 50 جىلدىق مەرەيتويىنا وراي, وندا ۇزاق جىلدار بويى ەڭبەك ەتكەن قىزمەتكەرلەرٸن ەرەكشە قۇرمەتپەن ماراپاتتادى. اتاپ ايتقاندا, 46 جىلىن وسى كەسٸپورىنعا ارناعان جۇمىسشىلارعا 50 پەتەر سىيعا بەرٸلدٸ.
جەلٸدە تاراعان بەينەجازبادا تۇرسىنعالي الاگٶزوۆ بۇل كٷننٸڭ ٶزٸ ٷشٸن ايرىقشا مەنگە يە ەكەنٸن اتاپ ٶتتٸ. ونىڭ ايتۋىنشا, ٶمٸرٸندە قارجىلىق قيىندىقتاردى باستان ٶتكەرگەن سەتتەرٸ دە بولعان. كەسٸپكەر ٷش جىل بۇرىن ايىنا نەبەرٸ 200 مىڭ تەڭگە تابىس تاۋىپ, كٷندەلٸكتٸ شىعىنىن ەسەپتەپ ٶمٸر سٷرگەنٸن ەسكە الدى.
سونداي-اق ول سول كەزەڭدە پەتەرٸنەن ايىرىلىپ قالۋ قاۋپٸمەن بەتپە-بەت كەلگەنٸن جەتكٸزدٸ. كٷن سايىن باسپاناسىز قالام با دەگەن الاڭداۋشىلىقپەن ٶمٸر سٷرگەنٸن جاسىرمادى.
كەسٸپكەردٸڭ ايتۋىنشا, دەل سول قيىن كەزەڭدە وعان ادامدارعا قولداۋ كٶرسەتۋدٸڭ ماڭىزىن تەرەڭ تٷسٸنگەن. كەيٸن جاعدايى تٷزەلگەن سوڭ, ول ٶزٸنە بەرگەن ۋەدەسٸن ورىنداپ, اينالاسىنداعى جاندارعا كٶمەكتەسۋدٸ باستى ماقساتتارىنىڭ بٸرٸنە اينالدىرعان.
"سول كەزدە ٶزٸمە ۋەدە بەردٸم: ەگەر بيزنەسٸمدٸ قايتا قالپىنا كەلتٸرە السام, ادامدارعا كٶمەكتەسەمٸن دەدٸم. سوندىقتان بٷگٸن وسىندا وتىرعان بارشاڭىزعا جەكە ٶز اتىمنان پەتەر سىيلاعىم كەلەدٸ", – دەدٸ ول.
بٷگٸندە مٷمكٸندٸگٸ ارتقان تۇستا تۇرسىنعالي الاگٶزوۆ ەرٸپتەستەرٸنە باسپانا سىيلاۋدى ازاماتتىق پارىزىم دەپ سانايتىنىن ايتىپ, ولاردىڭ ەڭبەگٸن جوعارى باعالايتىنىن جەتكٸزدٸ.
