Jaqynda tanymal qazaqstandyq ázil-syqaqshy Tursynbek Qabatovtyń «Abyroi» atty jańa saiasi partiiany qurýdy josparlap otyrǵany belgili boldy. KVN juldyzy ulty men dinine qaramastan, Qazaqstannyń barlyq turǵyndarynyń basyn biriktirýge nietti.
Aitylyp jatqan sybys boiynsha, partiia baǵdarlamasyna ózge de mindettermen qatar birliktiń biregei qazaqstandyq modelin saqtap qalý jáne arttyrý, elimizde ómir súretin barlyq halyqtardyń arasyndaǵy berik dostyqty kúsheitý kiredi.
Esterińizge sala keteiik, jańa «Abyroi» partiiasy – Tursynbek Qabatovtyń saiasatqa kelýge jasaǵan alǵashqy áreketi emes. 2021 jylǵy maýsym aiynda tanymal ázil-syqaqshy óziniń Instagam paraqshasyndaǵy jazylýshylardan «Nur Otan» partiiasynyń praimerizine qatysý boiynsha pikirlerimen bólisýdi suraǵan. Jazylýshylardyń kópshiligi onyń bastamasyn qoldady.
«Joǵarǵy ligadan» – joǵary bilikke» betalysy ýaqyt ótken saiyn aiqyn kórinip keletin siiaqty. Ásirese qazirgi jaǵdaida, sebebi QR Prezidenti Qasym-Jomart Toqaevtyń usynysy boiynsha, adal jáne erkin saiasi básekelestikti qamtamasyz etý úshin jańa partiialardyń tirkeý shegi 20 myńnan 5 myń adamǵa deiin tómendetildi.
Áleýmettik jelilerdegi jazylýshylar sany 1.8 millionnan asatyn Qabatovqa jarqyraǵan jarasymdy ázili úshin alǵysyn aityp júrgen jankúierlerdiń 5 myń qolyn jinaý qiynǵa túspeidi.
Nesi bar, KVN oiynshylarynyń jaqsy kóretin sózderimen aiaqtasaq, partiialyq júieni damytýǵa beriletin múmkindikterdi keńeitýden ne shyǵatynyn ómir ózi kórsete jatar.
