Foto: Berik Ýálidiń Facebook paraqshasynan alyndy
Tanymal ázilkesh Tursynbek Qabatov jańa qyzmetke taǵaiyndaldy. Bul týraly "Habar" Agenttigi" AQ basqarma tóraǵasy Berik Ýáli Facebook-paraqshasynda habarlady.
"Belgili óner qairatkeri Tursynbek Qabatov búginnen bastap "Habar" Agenttigi" AQ-nyń kreativti prodiýseri retinde qyzmetke kiristi. Boiyndaǵy talanty men tynymsyz eńbeginiń arqasynda halyqtyń yqylasyna bólengen Tursynbek Amanǵaliuly qolǵa alǵan kez kelgen joba tabysty bolyp jatady. Ol ádemi qaljyńy arqyly qoǵamdaǵy ózekti máselelerdi qozǵap, árdaiym kópshiliktiń kókeiindegini aityp júretini belgili. Onyń ishinde otandyq telearnalardaǵy "Ázil álemi", "Kóńildi tapqyrlar alańy" siiaqty jobalary kórermen tarapynan úlken suranysqa ie.
«Habar» arnasyndaǵy Tursynbek Qabatov júrgizgen «Jup-jubymen», «Cover show» siiaqty jobalar da joǵary nátije kórsetip, Agenttik úshin tabysty habarlardyń birine ainaldy", - dep jazdy Berik Ýáli.
Onyń sózinshe, Tursynbek Qabatov jańa qyzmetinde kórermenniń kózaiymyna ainalatyn tyń, qyzyq jobalardy ázirleýmen jáne úilestirýmen ainalyspaq.
