Nur-Sultanda ótken bokstan Prezident kýbogynda biylǵy Aziia chempiony Tursynbai Qulahmet top jardy. Ol 75 kelide qarsylas shydatpai, týrnir jeńimpazy atandy, dep habarlaidy Olympic.kz.
Degenmen boksshy áli de kemshilikter bar ekenin jasyrmaidy.
«Prezident kýbogy týrnirine osymen ekinshi ret qatysyp otyrmyn. Osydan bir jyl buryn da dástúrli týrnirde baq synaǵan edim. Biyl jeńimpaz atanýdyń sáti tústi. Týrnirde ótkizgen tórt jekpe-jek te ońai bolǵan joq. Ásirese, finaldyq básekeniń qiyn soqqany ras. Degenmen, óz jerimizdegi dodada namysqa tyrysyp, bar sheberligimdi saldym. Meniń salmaǵymda biraz myqty sportshylar ósip keledi. Olardyń eshqaisysyn bólip-jarmaimyn. Biraq básekelestiktiń joǵary ekenin moiyndaý kerek. Kópshilik jankúier Ábilhan Amanqul ekeýmizdiń kezdeskenimizdi qalady. Ókinishke qarai, Ábilhan kýboktyq doda qarsańynda jaraqat alyp, jarysqa qatysqan joq. Ábilhan bolmasa da, basqa qarsylastarmen judyryqtasý ońaiǵa soqpady men úshin. Áli kemshilikter men qatelikter bar. Ony jeke bapkerim de, ulttyq qurama bapkerleri de aityp jatyr», - deidi Tursynbai Qulahmet.
Ol endi aldaǵy jarystarǵa daiyndalyp, kemshilikterdi joiý úshin jumys isteitinin aitady. Sonymen qatar, bokshysynyń pikirinshe, biylǵy Prezident kýbogy dodasy da óte joǵary deńgeide uiymdastyrylǵan.
