نۇر-سۇلتاندا ٶتكەن بوكستان پرەزيدەنت كۋبوگىندا بيىلعى ازييا چەمپيونى تۇرسىنباي قۇلاحمەت توپ جاردى. ول 75 كەلٸدە قارسىلاس شىداتپاي, تۋرنير جەڭٸمپازى اتاندى, دەپ حابارلايدى Olympic.kz.
دەگەنمەن بوكسشى ەلٸ دە كەمشٸلٸكتەر بار ەكەنٸن جاسىرمايدى.
«پرەزيدەنت كۋبوگى تۋرنيرٸنە وسىمەن ەكٸنشٸ رەت قاتىسىپ وتىرمىن. وسىدان بٸر جىل بۇرىن دا دەستٷرلٸ تۋرنيردە باق سىناعان ەدٸم. بيىل جەڭٸمپاز اتانۋدىڭ سەتٸ تٷستٸ. تۋرنيردە ٶتكٸزگەن تٶرت جەكپە-جەك تە وڭاي بولعان جوق. ەسٸرەسە, فينالدىق بەسەكەنٸڭ قيىن سوققانى راس. دەگەنمەن, ٶز جەرٸمٸزدەگٸ دودادا نامىسقا تىرىسىپ, بار شەبەرلٸگٸمدٸ سالدىم. مەنٸڭ سالماعىمدا بٸراز مىقتى سپورتشىلار ٶسٸپ كەلەدٸ. ولاردىڭ ەشقايسىسىن بٶلٸپ-جارمايمىن. بٸراق بەسەكەلەستٸكتٸڭ جوعارى ەكەنٸن مويىنداۋ كەرەك. كٶپشٸلٸك جانكٷيەر ەبٸلحان امانقۇل ەكەۋمٸزدٸڭ كەزدەسكەنٸمٸزدٸ قالادى. ٶكٸنٸشكە قاراي, ەبٸلحان كۋبوكتىق دودا قارساڭىندا جاراقات الىپ, جارىسقا قاتىسقان جوق. ەبٸلحان بولماسا دا, باسقا قارسىلاستارمەن جۇدىرىقتاسۋ وڭايعا سوقپادى مەن ٷشٸن. ەلٸ كەمشٸلٸكتەر مەن قاتەلٸكتەر بار. ونى جەكە باپكەرٸم دە, ۇلتتىق قۇراما باپكەرلەرٸ دە ايتىپ جاتىر», - دەيدٸ تۇرسىنباي قۇلاحمەت.
ول ەندٸ الداعى جارىستارعا دايىندالىپ, كەمشٸلٸكتەردٸ جويۋ ٷشٸن جۇمىس ٸستەيتٸنٸن ايتادى. سونىمەن قاتار, بوكشىسىنىڭ پٸكٸرٸنشە, بيىلعى پرەزيدەنت كۋبوگى دوداسى دا ٶتە جوعارى دەڭگەيدە ۇيىمداستىرىلعان.
