Qazaqstandyq boksshy Tursynbai Qulahmet (1-0, 1 KO) MTK Global promoýterlik kompaniiasy uiymdastyrǵan Ońtústik Krikbidegi (Ulybritaniia) boks keshinde óner kórsetti, dep habarlaidy Sports.kz saity.
Onda Qulahmet birinshi orta salmaqta WBC International chempiony vakantty belbeýi úshin jeńilip kórmegen britandyq Makolei Makgoýenmen (14-0-1, 3 KO) titýldyq jekpe-jek ótkizdi. Toǵyz raýndqa eseptelgen bul aiqas tóreshilerdiń sheshimimen (99-89, 99-89, 99-89) biraýyzdan Tursynbaidyń jeńisimen aiaqtaldy. Jetinshi raýndta britandyq nokdaýnǵa tússe, segizinshi raýndta referi qazaqstandyq boksshynyń esebinen bir upai shegerdi.
26 jastaǵy qazaqstandyq úshin bul kásipqoi bokstaǵy ekinshi jekpe-jegi bolatyn. Al qarsylasyna keler bolsaq, Makgoýen alǵash ret jeńilis tapty.
