قازاقستاندىق بوكسشى تۇرسىنباي قۇلاحمەت (1-0, 1 كو) MTK Global پروموۋتەرلٸك كومپانيياسى ۇيىمداستىرعان وڭتٷستٸك كريكبيدەگٸ (ۇلىبريتانييا) بوكس كەشٸندە ٶنەر كٶرسەتتٸ, دەپ حابارلايدى Sports.kz سايتى.
وندا قۇلاحمەت بٸرٸنشٸ ورتا سالماقتا WBC International چەمپيونى ۆاكانتتى بەلبەۋٸ ٷشٸن جەڭٸلٸپ كٶرمەگەن بريتاندىق ماكولەي ماكگوۋەنمەن (14-0-1, 3 كو) تيتۋلدىق جەكپە-جەك ٶتكٸزدٸ. توعىز راۋندقا ەسەپتەلگەن بۇل ايقاس تٶرەشٸلەردٸڭ شەشٸمٸمەن (99-89, 99-89, 99-89) بٸراۋىزدان تۇرسىنبايدىڭ جەڭٸسٸمەن اياقتالدى. جەتٸنشٸ راۋندتا بريتاندىق نوكداۋنعا تٷسسە, سەگٸزٸنشٸ راۋندتا رەفەري قازاقستاندىق بوكسشىنىڭ ەسەبٸنەن بٸر ۇپاي شەگەردٸ.
26 جاستاعى قازاقستاندىق ٷشٸن بۇل كەسٸپقوي بوكستاعى ەكٸنشٸ جەكپە-جەگٸ بولاتىن. ال قارسىلاسىنا كەلەر بولساق, ماكگوۋەن العاش رەت جەڭٸلٸس تاپتى.
