Turmystyq qaldyqty suryptaý úshin túsindirý jumystaryn júrgizý kerek. Bul týraly elordada «Qazaqstannyń qaldyqtardy qaita óńdeý strategiiasy» taqyrybynda ótken Frantsiia Qazaqstan saýda-ónerkásip palatasynyń forýmynda «Operator ÓKM» bas direktory Sergei Iýrcha málim etti, dep habarlaidy QazAqparat.
«ÓKM – «óndirýshilerdiń keńeitilgen mindettemeleri» degendi bildiredi. Biz taýardardy kólik quraldary men kólik quraldarynyń jeke komponetteri jáne úi sharýasyndaǵy qaptamalar, elektrlik elektrondy qurylǵylar dep ekige bólemiz», - deidi «Operator ÓKM» bas direktory Sergei Iýrcha.
Ol úidegi turmystyq qaldyqtar konteinerge suryptalmaǵan kúide salynatynyn aitty.
«Úidegi turmystyq qaldyqtardy qoqys konteinerine aralasqan kúide tastaidy. Sol aralasqan kúii poligonǵa nemese suryptaý jelisine jetkiziledi. Sondai-aq, biz qaldyqtardy bólek-bólek jinaý boiynsha da jumys isteimiz. Byltyr elimizde qaldyqtardy bólek-bólek salýǵa arnalǵan 9 myńnan astam konteiner qoiyldy. Biyl bul konteinerler úsh ese az qoiyldy jáne jyl sońyna deiin turmystyq qaldyqtardy qabyldaityn 17 oryn bar. Turmystyq qatty qaldyqtardy suryptaý bastamasy júzege asýy úshin bul týraly adamdarǵa aityp, sony ishinde mektepterdi aralap, oqýshylarǵa turmystyq qatty qaldyqtar jinalyp qalǵan kezde ne bolatyny týraly túsindirip, praktika júzinde kórsetýimiz kerek», - deidi Sergei Iýrcha.
Aita ketsek, ÓKM strategiialyq maqsaty – paidalaný tiimdiligin arttyrý jáne jańartylmaityn tabiǵi resýrstardyń tutynylýyn azaitý arqyly turaqty óndiristik-tutyný júieleriniń damýy.
Eske sala ketsek, jiynda Frantsiia-Qazaqstan saýda-ónerkásip palatasynyń prezidenti Jerar Fries kásiporyndar qaldyqtarynyń quramynda ýly zattar joq ekendigin dáleldeýi kerek degen pikir aitty.
