«Qadaǵalaý» respýblikalyq jedel aldyn alý is-sharasy kezinde túrmege joldanǵan 55 uialy telefon saqshylardyń qolyna tústi, habarlaidy QazAqparat.
Bir aptalyq is-sharanyń alǵashqy qorytyndylaryn QR Ishki ister ministrliginiń resmi ókili Nurdildá Oraz vedomstvonyń baspasóz máslihatynda jariialady.
«18-25 qyrkúiek aralyǵynda elimizde «Qadaǵalaý» jedel aldyn alý is-sharasy ótkizildi. Onyń maqsaty – sottalǵandar men tergeýge, qamaýǵa alynǵan adamdardyń zańǵa qarsy áreketteriniń aldyn alý, qylmystyq atqarý mekemelerinde tyiym salynǵan zattardy paidalanýdyń jolyn kesý. Profilaktikalyq is-shara kezinde qylmystyq atqarý júiesi men Ulttyq Ulannyń 4 myń qyzmetkeri qatysty», - dedi IIM ókili.
Sondai-aq, ol bir apta ishinde jazany óteý tártibin buzýdyń 153 faktisi áshkere olǵanyn aitady.
«1747 tintý ótkizildi. Onyń ishindi bir jalpy tintý, memekege kirgen atokólikterdi 1035 ret tekserý júrgizildi. 25 813 uiym qyzmetkerlerin tekserý uiymdastyryldy. Sonymen birge qylmystyq atqarý júiesi mekemeleriniń qyzmetkerleri de osynsha ret tekserildi. Tintý nátijesinde mekemege kirgizbek bolǵan 55 uialy telefon, esirtki jáne 1000 teńge kólemindegi aqsha tárkilendi. Mekemege tyiym salynǵan zattardy jetkizýge tyrysqan 4 adam ustaldy», - dedi vedomstvonyń resmi ókili.
